1 Yohana 1:8 - KITABU KITAKATIFU

⁸ Ni kovora sikoveeye nu uvwoni, kwigaada kunyi aveene, na giligali sigaveeye mu kunyi mba.

1 Yohana 1:8 ပူးပေါင်းရင်းမြစ်များ

1 Avami 8:46

“Lwa vandu vovo vakokolera vwoni, kigira sihaveeyeho numundu utakola vwoni, na muvutima vuvwo oleka vasigu vaovo vavaguuti, nukuvahila kuli avahambe mu kivala kindi, kali niiva kivala kindi yicho keveeye ihale,

2 Avami 20:15

Isaya yateeva, “Valoli ki munyumba yu vwami?” Hezekia yativura, “Valoli vindu viosi. Sikiveeye ho ni kindu mu zinyumba zia mavikiru icha mburi kuvamanyia mba.”

2 Kyetsinyinga 6:36

“Lwa vandu vovo vakolera ivi uvwoni, na havulaho nu mundu okolaa uvwoni, ma mu vutima vuvwo oleka avasigu vaavo vavaguuti nu kuvavugula kuvahila mu kivala kindi kuli avahambe, kali niiva kivala chene yiki keveeye ihale ligali,

Ayubu 14:4

Aveeye ho nu mundu unyala kutuliza kindu kilahi kutura mu kindu kidamanu? Siaveeye ho mba.

Ayubu 15:14

“Mundu woosi anyala kuva mulahi ligali? Anoho mundu anyala kuva mulungi imbiri wa Nyasaye?

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Ayubu 9:2

Ligali Inzi manya ndi aga umali kovora na giligali. Navuzwa mundu anyala kuva ndi mulungi imbiri wa Nyasaye?

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Tsing'ano 20:9

Mundu anyala kumanya ligali zing'anagani zizie ziveeye zinungi, kandi yaatuliza vwoni vwivwe vwosi?

Kohelethu 7:20

Siaveeye ho nu mundu mulungi mu kivala okolaa vulungi ing'inga yoosi, kandi uvula kokora vudamanu mba.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Jeremia 2:35

‘Kunyi si koveeye nimbara mba; gaveeye agiligali ndi Yahova siaveeye nu vutima ni kunyi mba.’ Navuzwa inzi Yahova ndamuha amageri kigira muvooraa ndi simwakola uvwoni mba.

Kyavalevi 13:12

Niiva vulwaye vwo ovogere vulalaanda kandi vumale muviri gwosi kutura ku mutwi kuduuka ku virenge,

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Varumi 3:10

Kuli Mang'oda Matakatifu gavoora: “Siaveeyeho nu mulungi, kali mulala,

Varumi 3:23

Avandu vosi vaakora vwoni, kandi vavura kuduuka ku vukumi vwa Nyasaye.

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

Vagalatia 6:3

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene.

Yakobo 1:22

Muve avakoli vi likuva, mutava avahuliri vuzwa ni mwigada aveene mba.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.

2 Petro 2:13

na valatungwa ni lisalirizwa kigira lisaliriza lia vaakolera avandi. Lieyaanziza kuvo liveeye kokora kindu choosi havulavu kinyala kwigutiza liegomba liavo liu muviri. Valeganyia kandi vaveeye zisoni mu livugana lienyu, lwa viiyunga ni munyi mu lilia, na yilwo lwa vasangalira zinzira ziavo ziu vugadi.

1 Yohana 1:10

Nikuva ni kovora sikwakola uvwoni, kokoraa Nyasaye ave mugaadi kandi likuva lilie siliveeye mu kunyi mba.

1 Yohana 1:6

Nikuva ni kovora koveeye ni lisanga naye, na ni kogenda mu kisundi, kugaada kandi si komenyi kolondekana na giligali mba.

1 Yohana 2:4

Oyo ovola, “Ndamanya Nyasaye” navuzwa avula kolonda amalago geege, aveeye mugaadi, kandi agiligali sigaveeye muye mba.

1 Yohana 4:20

Niiva umundu woosi avoora, “Nyanza Nyasaye,” navuzwa adunyiraa amwavo weve, aveeye mugaadi. Niiva avula kuyaanza amwavo weve wa alolaa, anyala kuyaanza ndi Nyasaye wa atalolaa?

2 Yohana 1:2

Agiligali gamenyaa mu kunyi, kandi galava ni kunyi kuduuka mihiga ni mihiga.

3 Yohana 1:3

Ndaali nuvusangali ovonene ligali lwa valala ku vamiitu Vakrisitayo vaduuka hano nivambolera kuli oveeye umusuuvirifu ku giligali kandi kuli uzizagilira komenya kazozo mu giligali.