1 Yohana 1:7 - KITABU KITAKATIFU

⁷ Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 1:7 ပူးပေါင်းရင်းမြစ်များ

Zaburi 104:2

Ivi wikunikaa nu vulavu kuli inguvu, Waavambula ligulu kuli lihema;

Zaburi 51:2

Onzogize uvudamanu ligali, na undakase kutura muvwoni vwange.

Zaburi 56:13

Ivi umali kombonyia kutura mu likuza, nukuninda mburi kuguutwa. Nandio, ngendaa imbiri woovo, mu vulavu vwakanga ku yavo avaveeye mwoyo.

Zaburi 89:15

O, Yahova, vaveeye nuvugasu yavo avasigamiraa ivi ku liemba zinyimbu ziu kukwizominya, kandi avamenyaa mu vulavu vwu vulahi vuvwo;

Zaburi 97:11

Uvulavu vwaka ku vandu valungi, kandi uvusangari vwaka ku valahi ligali.

Isaya 2:5

Kalunu, ivisukulurwi via Yakobo, hambi kogende mu vulavu vwa Yahova akuheezaa!

Isaya 33:24

Sihalavaho nu mulala omenya mu kivala chietu uwaza yigaane ndi alwalaa kandi uvwoni vwosi vulasaamiifa.

Isaya 6:7

Na yaadira munwa gwange ni lianda liu muliru zana navoora, “Yili limali kudiira munwa gugwo, na kalunu mahiolo googo gatuliziywi ho kandi uvwoni vuvwo vusamihiywi.”

Amosi 3:3

Avandu vaviri vanyara kogenda harara nivatavungirani?

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Matayo 6:12

Ukusamihi uvwoni vwitu, kuli kunyi kusamiiha avakwoneraa.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Yohana 12:35

Yeso yavavolera, “Uvulavu vukikiri ni munyi ku ing'inga engekeeke. Gendi lwa mukikiri mu vulavu yivu kunangwa; kisundi kivuli kumunyoola, kigira ogendaa mu kisundi siamanyi wazizaa mba.

Yohana 5:4

kigira vuli ing'inga, engelosi wu Mwami yikaa mu mazi nukugaduvula. Mulwaye wukutanga kwingira mu mazi inyima wa mazi kuduvulwa, yahonaa uvulwaye vwosi vwa yaali navwo.]

Varumi 13:12

Uvudiku vufezaa ligali, nu muvasu goveeye ahimbi. Kunangwa leki kuviiki ihale vikolwa vie kisundi, na kuvuguli viuma viu kulwaana mu vulavu.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 5:8

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Yohana 1:3

Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.

1 Yohana 1:5

Yili nilio likuva lia kwahulira kutura ku Yeso Kristo, na nigo gakumwilwaziraa, Nyasaye aveeye uvulavu, kandi muye sihaveeye ni kisundi mba.

1 Yohana 5:6

Yeso Kristo niyie waza na amazi gi libatizwa lilie. Kandi namasahi gi likuza lilie. Siyaaza na amazi geng'ine, navuzwa na amazi kandi na masahi gilikuza lilie. Roho mwene niyie ololekizaa ndi yaga gaveeye agiligali kigira Roho aveeye giligali.

1 Yohana 5:8

Vaveeye ho avalolekizi vavaga mu kivala, navo ni Roho, amazi, kandi amasahi. Kandi yava vavaga vavugirizana harara.

2 Yohana 1:4

Inzi ndaasangara ligali konyoora avalala ku avana vovo vagenda mu giligali, kuli Baba yalaga kunyi.

3 Yohana 1:4

Simbeeye nu uvusangari vundi ovonene kuvita yivu mba, nivutaveeye kuhulira ndi, avana vange vamenya mu giligali.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.