1 Vatesalonike 5:6 - KITABU KITAKATIFU

⁶ kunangwa kutagona kuli avandi vakora, navuzwa kulindi kazozo kandi kove novogeri.

1 Vatesalonike 5:6 ပူးပေါင်းရင်းမြစ်များ

Tsing'ano 19:15

Unyala kuva mugata niiva wenyaa vugata; zizagilira kogona zindolo, navuzwa ulava ninzara.

Isaya 56:10

Aviimiliri vosi, avaadukana viiganihize avandu vange, vaveeye avavoku! Sivamanyi kindu kali hakuzu mba. Vaveeye kuli zimbwa zidimbidi, izitalokaa. Vagona hasi vuzwa nokoloota maloto. Vayaanza kogona zindoolo!

Jona 1:6

Kunangwa, munene wi iliato yamunyola yo namuvolera, “Okolaa ki, Ogonaa? Vuka, waniri nyasaye woovo mbula yakokonya. Hawundi alakovererera ma akohonyie, kuvuli kudiva.”

Matayo 13:25

Navuzwa ulwa avandu yaali nivagonaa, umusigu weve yaza namiiza mavanze hagati hi ingano, ma nazia.

Matayo 24:42

“Kigira yaga, lindi, kigira si mumanyi lidiku liu Mwami winyu aliiza mba.

Matayo 25:13

Kunangwa Yeso yamaliriza navoora, “Mugerihi, mulindi, kigira si mumanyi lidiku anoho ing'inga mba.”

Matayo 25:5

Lwa uwaseleraa umwiha yaalindagira, avakaana yavo vosi vateengeza, ma ni vagona.

Matayo 26:38

navavoolera “Mbeeye no vovereri ovonene ligali mu mwoyo gwange, kali kuduuka ku likuza. Mwikale hano mulindi harara ninzi.”

Marko 13:37

Agambooraa ku munyi, mbolera vosi kandi: Mulindi!”

Luka 12:37

Vaveeye nuvugasu avatumikiri yavo avu Mwami alinyoora nivahenza kandi nivetegeki lwa aliiza. Agiligali muvooleraa, Mwami oyo aliviika vulahi, na alavikaliza ku viukulia komesa nukuvatumikira.

Luka 12:39

Muve na agiligali ndi, niiva mwene inyumba yakamanyi ing'inga yumwivi yaazaa, ngano siyakaleki inyumba yeeye ivunagwi mba.

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Luka 22:46

Yavateva, “Kigira ki mugonaa? Vuki musaale, ndi, muvuli kwingira mu ligerizwa mba.”

Vikolwa 20:31

Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

Vafilipi 4:5

Leki ovohocha vwinyu vumanyikane ku avandu vosi. Mwami yaazaa vwangu.

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

1 Vatesalonike 4:13

Avaamitu, viitu kwenya munyi mumanye agiligali ga makuva ga yavo avamala kukuza. Mutaverera kuli yavo avataveeye nilisuuvirizwa.

1 Vatesalonike 5:10

uwa kukuzira, kunangwa komenye harara naye kali nikuva mwoyo anoho ni kukuza lwa aliiza.

1 Vatesalonike 5:8

Navuzwa, kunyi koveeye avumbasu, gakuduukiraa kove no vogeri. Kuduuka kwiviiki lisuuvira nu vuyanzi, kuli isalamba kandi lisuuvirizwa lietu lio vuhonyi kuli igudwa siyakotovola.

Tito 2:12

Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Tito 2:6

Wigizi avasoleri vang'erere vave avilindaa aveene.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

Likunula 16:15

Mwami avoora, “Henza! Nziza kuli umwiivi!” Aveeye nuvugasu umundu ulindilira, nu kwivika zinguvu zizie ku avuli kogendagenda chahonyo, ma alole zisoni imbiri wa avandu.

Likunula 3:2

Kunangwa, vuka udinyirizi ivindu ivitigaye nivikikiri kukuza: kigira sindora imiyinzi jijo nijiveeye midukiru imbiri wa Nyasaye wange mba.