1 Vatesalonike 5:3 - KITABU KITAKATIFU

³ Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.

1 Vatesalonike 5:3 ပူးပေါင်းရင်းမြစ်များ

Ayubu 15:21

Liyoga lie litihiza lilakuba lwanga mu matu geege, na aviivi valamwingilira lwa aganagana aveeye mu likingwa.

Ayubu 24:23

Nyasaye anyala kuvaleka vamenye mu mirembe, navuzwaa vahenzeriza ligali kazozo.

Zaburi 35:8

Leka lidiva livagumiri vwangu nivakikiri kulimanya. Valagumirwa mu mutego gwaavo aveene. Leka nukudivira muvogo vwa vamali kuyava.

Zaburi 48:6

Uwene yeyo vatanga kodegera ligali kigira uvuti kandi vahulira uvuzunu kuli mukali oveeye mu lilumwa;

Zaburi 55:15

Avasigu vakuzi inyinga yaavo nikikiri kuduuka, Vazie mu kihadisi nivakikiri mwoyo, kigira uvudamanu vuveeye mu limenya liavo, kandi hagati mu mioyo jaavo.

Zaburi 69:22

Lwa valiza lilia liavo, leka vagumirwi kuli linyonyi mu mutego. Lwa valiza inyama yi kisiuviriru kihanwa ku Nyasaye, leka vave kuli zinyama zigumirwa mu mutego.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Isaya 20:6

Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 30:13

Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Isaya 47:11

Kigira yaga, kivi kiladuuka ku munyi, navuzwa uvukumu vwinyu sivulamuhonyia mba. Nonoho lidiviza liladuuka kumunyi lia mutamanya mba.

Isaya 47:9

Navuzwa mu ing'inga indala kandi mu lidiku lilala, mulakuza harara na avana vinyu vosi, kali niiva muveeye ni zinguru zinene kandi zinyingi ziu vukumu kandi uvusigitiri.

Isaya 56:12

Vavolerana, ‘Hambi kuzie kwenya iwaini; hambi kunwi kuhambiki amalwa! Mugamba gulava mulahi kali kuvita kalunu!’ ”

Jeremia 13:21

Mulakavoole ki lwa avandu va mwaganagana vaveeye avalina vinyu vamuguuta nukukwamiiha? Mulakave muvuzunu kuli vwumukali yenya kwivura.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 22:23

Mumenyaa mu mirembe mu zinyumba ziumbakwa ni midaragwa kutura Lebanoni; navuzwa mulaverera lwa munyoora vuzunu kuli vwu mukali ulumwaa.

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 6:14

Vakolavuzwa zingwagu zia avandu vange ziveeye vuzwa uvwiyago. Vavoola, ‘Goosi gaveeye amalahi,’ ulwa goosi gataveeye amalahi.

Jeremia 6:24

“Kumali kuhulira amakuva amageni,” avandu va Jerusalemi vavoola, “Kandi amakono giitu gavula zinguru; koveeye nuvuzunu vululu kuli mukali oveeye mulilumwa liu mwana.

Jeremia 8:11

Vakora kuli zingwagu zia avandu vange ziveeye vuzwa lwiyago. Vavoola, ‘Goosi gaveeye amalahi,’ lwa goosi gataveeye amalahi mba.

Ezekieli 13:10

“Avaporofeti vagotiza avandu vange nu kuvavoolera ndi goosi gaveeye amalahi lwa goosi gataveeye amalahi mba! Avandu vange vumbaka lidigi lia magina, navuzwa avaporofeti yava vazaa mavalikunika novodohi uvulavu.

Hosea 13:13

Munyi muveeye mu vuzunu kuli vwu mukali ulumwaa. Navuzwa mwana uyu aveeye vugira limanyiriza; lwa ing'inga iduuka yu kwivulwa mwana uyu si yenya kutura munda mwa mama weve mba.

Nahum 1:10

Valagoyanira hagati ha mafwa kuli avandu vaveeye vahambiku; valasambwa nu muliru kuli amavivi amuumu.

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Yohana 16:21

Ing'inga yu mukali alumwa aveeye novovereri kigira ing'inga yuvusaliri iduuki; navuzwa niyakamara kwivura umwana, siyizuliza kandi uvusaliri yivwo mba kigira vuyanzi vwu mwana wivuliiywi mu kivala.

Vikolwa 13:41

‘Huliri, munyi avachayi, mugenye ma mudivi! Kigira icha ngolaa kalunu mu madiku ginyu, ni cha munyi mutanyala ligali kusuuvira, kali lwu mundu ava namuvolera.’ ”

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

2 Vatesalonike 1:9

Valahevwa mageri agaveeye lidivizwa lie mihiga ni mihiga kandi kwavukanywa kutura imbiri wu Mwami kandi kutulizwa mu vukumi vwi zinguru zizie.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.

Vakalagi 8:11

Gidioni yaavitira kunzira ahimbi ku lwako lwu mwigendanyama, ivugwi wa Noba na Jogibeha, niyingilira iliihi yilio vugira yavo kumanya.