1 Vatesalonike 5:15 - KITABU KITAKATIFU

¹⁵ Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

1 Vatesalonike 5:15 ပူးပေါင်းရင်းမြစ်များ

Litanga 45:24

Kunangwa yatuma avamwavo veve kuzia, navuzwa yavavolera, “Mutalembani ku nzira mba.”

Zaburi 38:20

Yavo avatungaa inzi uvudamanu ku uvulahi vwa mbakoleraa, vahing'ana niinzi kigira ngerizaa kokora amalungi.

Zaburi 7:4

niiva ndakora uvudamanu ku mulina wange, anoho kulanya musigu wange vugira kivuni,

Tsing'ano 17:13

Nutungiza uvudamanu havogono hu vulahi vudamanu si vulatula munyumba yooyo mba.

Tsing'ano 20:22

Utitungila vudamanu mba. Suuvira Yahova na alakokoonya.

Tsing'ano 24:17

Utayaanzilira lwu musigu woovo anyoora kivi mba kandi utasangala lwa yikigatiraa mba.

Tsing'ano 24:29

Utavoola ndi ndamukolera kuli yangolera mba. Ndamutungiza kisaalia kugayangolera!

Tsing'ano 25:21

Niiva vasigu vovo vaveeye ninzara, uvahe chukulia; nivaveeye nuvuluhu, uvahe chavanwa

Kyavalevi 19:18

Mutavanza kisaalia ku mundu vosi mba anoho uzizagiliri kumudunyira mba, navuzwa uyaanze mutende vovo kuli wiyanza yivi mwene. Inzi mbeeye Yahova.

Matayo 5:39

Navuzwa kalunu inzi muvooleraa, utavaanza kisaalia ku mundu okokoleraa vudamanu mba. Mundu woosi ukwaala uluhi ku lusaya lwu mukono mulungi, oleke yaale uluhi ku lusaya lundi kandi.

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Vikolwa 16:28

Navuzwa Paolo yahanzuka nu mwoyo munene na avoora, “Uteekola kindu kidamanu mba. Kunyi kwosi koveeye hano.”

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

1 Vakorintho 14:1

Muve nu vuyanzi; muve kandi nu konyoora kihaanwa cho voporofeti.

1 Vakorintho 16:10

Niiva Timateo alaza yaho, mulole ndi mumwingirizi vulahi hagati hinyu, kigira akolaa miyinzi ju Mwami, kuli inzi ngolaa.

1 Vakorintho 6:7

Agiligali gaveeye ndi: kuva ni miyaalo hagati hinyu kumanyia ndi mwamala kugwa ligali; sivwakaveeye vulahi ligali ku munyi kwikuzira ku likolerwa uvudamanu mba? Si vwakaveeye vulahi ligali kuvita munyi kunuurwa mba?

Vagalatia 6:10

Kunangwa ing'inga yakoveeye nu vwiyangu, kuduuka kokole uvulahi ku avandu vosi, mbitilira ku yavo avaveeye avinyumba yitu mu lisuuvira.

Vafeso 5:15

Kigira yaga, muhenze vulahi kuli mumenyi. Mutamenya kuli avandu vasiru, navuzwa kuli avandu vovogeri.

Vafeso 5:33

Gaveeye ndio ku ivi; kandi musaza sa mulala ayaanze mukali weve kuli mwene yiyaanza, kandi mukali kuduuka ahaane luyali ku musaza weve.

Kwidzulitsa 16:20

Mulalonde uvulungi vweng'ine; kunangwa muduuki komenya mu kivala cha Yahova Nyasaye winyu amuhezaa.

1 Vatesalonike 2:12

Kwa muluviriza nu komuleminya umwoyo muduuki kumenya nokogenda mu liiva liyaanziza Nyasaye, uwamulanga muduuki kusanga mu vwami nu vukumi vwivwe.

1 Vatesalonike 5:21

mugerizi vindu viosi, mugumiri vudinyu ligali yiki ekeveeye kilahi:

Tito 3:2

Uvavoolere vatavoola makuva madamanu ku mundu kali mulala mba, vatava avalembani mba, navuzwa vamenye ni mirembe mu uvulina, kandi valolekizi ovohooma ku avandu vosi.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

3 Yohana 1:11

Mulina, wange muyanze, utiiga kokora kindu ekeveeye kidamanu mba, navuzwa wigi kokora kindu ekeveeye kilahi. Mundu woosi okolaa vulahi atulaa ku Nyasaye; kandi mundu woosi okolaa agaveeye amadamanu, akikiri kolola Nyasaye.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 22:9

Navuzwa yambolera, “Utakola ndio mba! Inzi mbeeye vuzwa umutumikiri wacho, harara na avamwavo vovo avaporofeti, harara na yavo valonda amakuva gi kitabu yiki. Sigamira Nyasaye!”

1 Samweli 24:13

Ivi umanya chu lugano lovoolaa, ‘Uvudamanu vokolangwa vuzwa na vandu vadamanu veng'ine’ Kandi ndio sindakusaaliriza mba.