1 Vatesalonike 5:14 - KITABU KITAKATIFU

¹⁴ Kumuzuvaa munyi avaamitu viitu, muliganihizi avagata, muluvirizi vati, mukoonye avadedekere, kandi mwikuziri ku avandu vosi.

1 Vatesalonike 5:14 ပူးပေါင်းရင်းမြစ်များ

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 6:12

Zinyumba ziavo kandi imilimi, navakari vaavo, vilahaanwa kuvandi. Nziza kuhaana amageri ku vandu vikivala yiki.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Matayo 12:20

Si alavunanyia ikidundu kimali kulingwa mba, anoho kusiminya itaya imulamula mba. Alazizagilira vugira kuluha kuduuka, lwi likalaga liu vulungi, liguuta,

Luka 22:32

Navuzwa inzi mali kukusaalira ku Nyasaye, Simoni, ndi lisuuvira liilio litageha mba. Lwa ivi wirana ku inzi, uladinyiriza mioyo ja avamwavo vovo.”

Vikolwa 20:27

Sindaleka kali hakuzu kumulandizira makuva gi lienya liosi lia Nyasaye.

Vikolwa 20:31

Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 14:1

Muvugiliri vandu vaveeye vadedekere mutahangalizana navo ku makuva gi zing'anagani ziavo mba.

1 Vakorintho 4:14

Si ng'odi vindu yivi kigira kumuleganyia, navuzwa kumwiganihiza kuli avana vayaanze vange.

1 Vakorintho 8:7

Navuzwa, sivaveeye vosi avamanya giligali yaga. Vaveeye ho avandu valala vaanala misambwa, kigira kuduuka kalunu lwa valizaa viukulia kuli yivi valora vikikiri vuzwa viukulia visalisirangwa misaambwa. Na kigira zing'anagani zie mioyo jaavo ziveeye zindedekere, kandi valora ndi zimali kwononywa ni viukulia.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafeso 4:2

Muve ni liegehiza kazozo, vahoma kandi vikuziri; Mumanyie vuyanzi vwinyu ku liekuzirana aveene na vene,

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

2 Vatesalonike 3:15

Navuzwa mutamuvugula kuva umusigu mba, navuzwa mu mwiganihizi kuli aveeye mulala ku vandu vasuuvira.

Tito 1:10

Vaveeye ho avandu avanyingi ligali, mbitilira aviganiri kutura mu dini ya Avayuda, avibaaraa nukugaada avandu vandi namakuva gaavo guvusiru.

Tito 1:6

Mukulundu wi likanisa kuduuka ave musaza utaveeye nimbara kuye. Kuduuka ave musaza wu mukali mulala, kandi kuduuka avana veve vave avasuuviri avataveeye ni kirage anoho vatatizaa malago;

Vahebraina 12:12

Kunangwa gingi igulu makono ginyu gamali kuluha kandi mulungikizi amaru ginyu gamali kodedekera.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.