1 Vatesalonike 4:9 - KITABU KITAKATIFU

⁹ Sihaveeyeho nikivuni chu ku mung'oderaa ku liyaanza avamwavo vinyu mba munyi aveene mumali kwigizwa na Nyasaye kuli munyala kuyaanzana aveene naveene,

1 Vatesalonike 4:9 ပူးပေါင်းရင်းမြစ်များ

Zaburi 133:1

Henza kuli voveeye vulahi, kandi kindu chukuyaanziza ku avandu va Nyasaye, komenya harara mu vuhambani!

Isaya 51:13

Ivi wiviiliyi inzi Yahova uwakolomba, uwaavambula ligulu kandi uwavika mise jie lirova. Kigira ki omenye muvuti kazozo vwu vululu vwa yavo avakudambizaa, vwa yavo aveetegeki kukudiviza? Uvululu vwa avadambizi voveeye haliha?

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Kyavalevi 19:8

Mundu woosi ulia ku, alava muhioli na alahevwa mageri kigira wononyi chaviikwa halovega kigira Inzi, Yahova. Mundu oyo sialavalizwa kuva mulala ku avandu vange mba.

Matayo 22:39

Lia kaviri liveeye kuli ndio: ‘Uyaanze mutende woovo kuli wiyanza mwene!’

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

2 Vakorintho 9:1

Si gadukanaa inzi ng'odere munyi kigira vokonyi vutumangwa ku vatakatifu vaveeye mu Vuyuda mba.

Vafilipi 3:15

Kunyi kwosi avakoveeye avadukiru mu Roho mu liiva liu Vukristayo, gakuduukiraa kusingiri vudinyu mu liganagana lilala liere kuli ndio. Navuzwa niiva avalala ku munyi valaganagana lugano, Nyasaye alamuvuulira ikindu zana yicho.

1 Vatesalonike 5:1

Sihaveeye ho kivuni komung'odera kunyi, avaamitu viitu, makuva gizing'inga gi mihiga, lwa Mwami alirana mba.

Vahebraina 10:16

“Yili nilio lilagana lia ndilomba harara navo mu madiku gaaza, Mwami Nyasaye avoora: Ndaviika malago gange mu mioyo jaavo; kandi ndang'oda mu zing'anagani ziavo.”

Vahebraina 13:1

Muzizagiliri kuyaanzana aveene naveene kuli avaamitu Vakrisitayo.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 4:8

Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.

2 Petro 1:7

na ku vunyasaye vwinyu, mumeede ku vulahi vwu vumiitu; na ku vulahi vwu vumiitu vwinyu, mumeede ku uvuyanzi.

1 Yohana 2:10

Oyo ovola aveeye mu vulavu, kandi ndi muvwo sihaveeye ni kindu muye ikinyala kolomba umundu wundi kokora uvwoni mba.

1 Yohana 3:11

Yaga na amakuva ga mwahulira kutura mu litanga: gakuduukiraa kuyaanzane aveene na vene.

1 Yohana 3:23

Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa.

1 Yohana 4:21

Lilaga lia Kristo amali kuha kunyi ni yili, “Mundu woosi uyanzaa Nyasaye kuduuka ayaanze amwavo weve kandi.”