1 Vatesalonike 4:6 - KITABU KITAKATIFU

⁶ Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

1 Vatesalonike 4:6 ပူးပေါင်းရင်းမြစ်များ

Zaburi 140:12

Inzi manya ndi Yahova akingaa lienya lia vadambizwa. Kandi ahaanaa likalaga liu vulungi ku vadaka.

Zaburi 94:1

O, Yahova, ivi oveeye Nyasaye uvanzaa kisaalia ku vasigu vovo; uvuli uvutima vuvwo kuvo.

Kutwula 20:15

“Mutiiva mba.

Kutwula 20:17

“Mundu ategomba inyumba yu mutende mba; atakayirwa mukali weve mba, anoho mutugwa muyaayi anoho mukaana weve mba, anoho eng'ombe, nisukili mba anoho kilala ku viosi viaveeye navio mba.”

Tsing'ano 11:1

Yahova adunyiraa vandu vatumikira vigero viuvugadi, navuzwa aveeye nuvuyanzi ni vigero viagiligali.

Tsing'ano 16:11

Yahova yenya vigelo viosi vive visuuvirifu, na vuli kegelo keve cha giligali.

Tsing'ano 20:14

Muguli yilirira vuli ing'inga ndi uvuguli voveeye igulu, navuzwa ni yakatula ho yevoolavoola kuli anyooye vuguli vodoto.

Tsing'ano 20:23

Yahova adunyiraa vandu vaatumikira vigero viu vugadi.

Tsing'ano 28:24

Mundu wivilaa baba weve anaho mama weve kandi na vola yivwo sivoveeye vwoni mba, ahambana numundu udiviza.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Jeremia 9:4

Mugelihi ku avalina vinyu; mutasuuvira avamwavo vinyu mba. Vuli amwavo aveeye umuvehi, kandi vuli mundu aginaa nu mulina weve.

Ezekieli 22:13

“Ndadiviza avandu vamali kwenyolera viambeti kandi avandu vamali kwita avaveeye mu munyi.

Kyavalevi 19:11

“Mutiiva mba, Mutagaadi mba, Mutaveherani mba.

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Kyavalevi 25:14

Kunangwa, lwa mugulizira Muisiraeli wache milimi, anoho muguli milimi kutura kuvo, mutadambizani mba.

Kyavalevi 25:17

Mutagaada Avisiraeli vache mba; navuzwa mutie Inzi Yahova Nyasaye winyu.

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Zefania 3:1

O, vayaayi, lidaala lia Jerusalemi lidamanu kandi liebaali, lidambizaa vandu valio limali kudivizwa.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Marko 10:19

Wamanya amalago: ‘Utiita mba; utaheya mba; utiva mba; utagina mba; utagaanga mba; utaveeha mba, uhuliri baba woovo na mama woovo!’ ”

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Luka 16:28

uwa mbeeye na avamwavo vatano. Leka azie kuviganihiza gase navo kandi valaza yinu muvusaliri yivu.’

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 13:4

kigira, vaveeye vatumikiri va Nyasaye vatumika muduuki konyoora uvulahi. Navuzwa ivi niiva okolaa uvudamanu, ove nuvuti; kigira vaveeye nu vunyali vwu kuhaana amageri. Vaveeye vatumikiri va Nyasaye, navo vahaana mageri ga Nyasaye ku yavo avakolaa vudamanu.

2 Vakorintho 7:11

Loli ga Nyasaye yakola kigira vovereri, vwinyu, vuluviliri vwa mwanyoola; liiva liamwaali nalio kumanyia ndi muvura imbila, vutima vuti, liegomba kolola ndi vulungi vwekoleki, liegomba lia havulavu, vwihaani vwa mwanyoola, kandi kuli mwetegeka kuhaana mageri ku vandu vaakora vudamanu. Munyi mwayimanyia ndi simuveeye nimbala ku makuva yaga goosi mba.

Vagalatia 5:21

likendeka, vwiti, uvuhambiku, uvuhuvaali vwi zing'ano ziosi, ni vindu kuli yivio; ndanga kumwiganihiza lero kuli lwa ndaamwiganihiza maziambiri. Yava avakolaa vindu kuli yivi sivanyala konyoora vwami vwa Nyasaye mba.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

Vafeso 5:6

Mutaleka mundu kali mulala amugaade na makuva gu vusiru mba; gaveeye kigira vindu yivi uvutima vwa Nyasaye vuduuka ku avandu vosi avavuraa kumutia.

Kwidzulitsa 24:7

“Mundu woosi onyooleka niyivaa mundu wa Isiraeli wache weve, na amukole mutugwa weve, anoho amugulizi mu vutugwa, kuduuka yiitwe. Munzira yiyi mulatuliza uvudamanu yivu hagati hinyu.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

1 Vatesalonike 2:11

Munyi Mumanyi ndi kwakolera mundu sa mulala kuli baba akoleraa avana veve, mwene.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

Vahebraina 2:6

Mu vogono yivwo, kuli gamali kovoolwa havundu handi mu Mang'oda Matakatifu ndi; “O, Nyasaye, mundu aveeye ki, ivi uduuki kumwizuliza? Anoho Mwana wu mundu vuzwa, aveeye ki, ivi uduuki kumuhendera mwoyo.

Yakobo 2:6

Navuzwa munyi muchayaa avadaka! Vatugi nivo vamudambizaa kandi vamuhira mu viyaalo imbiri wa avakalagi. Avatugi!

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.