1 Vatesalonike 4:4 - KITABU KITAKATIFU

⁴ Mundu sa mulala ku munyi gamudukira amanye kuli amenyaa nu mukali weve mwene munzira yu vutakatifu, kandi yuluyali,

1 Vatesalonike 4:4 ပူးပေါင်းရင်းမြစ်များ

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Varumi 1:24

Kigira yaga, Nyasaye yavaleka vakole vindu vidamanu viemioyo jaavo jikayirwa, kandi vakora vindu vie zisoni nu kwononyia vukumi vwi miviri jaavo aveene.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

1 Vakorintho 6:15

Simumanyi miviri jinyu jiveeye vivero viu muviri gwa Kristo? Nyara ndi kuvugura kevero kilala chu muviri gwa Kristo, ngekole kuva kevero chu muviri gwu muheyi? Awa, gatava ndio kali hakuzu mba!

1 Vakorintho 7:2

Navuzwa kigira ligerizwa ku likora voheyi limeedeki ligali, gaduukiraa musaza sa mulala ave nu mukali weve mwene, kandi mukali sa mulala adukanaa ave nu musaza weve mwene.

1 Vakorintho 7:9

Navuzwa, niiva sivanyala kwilinda aveene ku likayirwa kuduuka valeetane. Kigira ni vulahi ligali koleta mukali kuvita kwegomba.

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

1 Petro 3:7

Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.

1 Samweli 21:5

Daudi yativura, “Ligali vakikiri. Avasaza va mbeeye navo vilindaa aveene kuva vatakase kali lwa kuziiza ichova ku vutumwa vwa kazozo; nasindi ing'inga yiyi lwa koveeye ku vutumwa vuduukiru!”