1 Vatesalonike 4:3 - KITABU KITAKATIFU

³ Yivu nu vulaliri vwa Nyasaye, munyi muduuki kutakaswa; mwerehe kutura ko voheyi.

1 Vatesalonike 4:3 ပူးပေါင်းရင်းမြစ်များ

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

Zaburi 40:8

O, Nyasaye wange, Inzi nyanza kokora uvulariri vuvwo. Mbikaa malago googo mu mwoyo gwange.

Kyavalevi 15:18

Inyima wumusaza kuva harara numukali, kuduuka vombi visingi na mazi, na valava vadamanu kuduuka hamugorova.

Matayo 12:50

Ku vosi okolaa uvulariri vwa Baba wange oveeye mwigulu, uyu niyie amwavo wange kandi mbozo wange, kandi mama wange.”

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Matayo 5:32

Navuzwa kalunu inzi muvooleraa, mundu woosi ukunga mukali weve, ni kivuni choosi nigatali kivuni chu kuvula kuva, musuuvirifu aveeye ni lihiolo liu kumukola muheyi niiva alazia lukali kandi; kandi mundu woosi oleeta mukali wakungwa akolaa ovoheyi naye.

Matayo 7:21

“Si vaveeye vosi avamboleraa, ‘Mwami, Mwami,’ avalingira mu Vwami vwu mwigulu; navuzwa ni yavo avakolaa uvulariri vwa Baba wange oveeye mwigulu veng'ine.

Marko 3:35

Umundu woosi okolaa kuli Nyasaye yenya, oyo niyie amwavo wange, mbozo wange kandi mama wange.”

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Yohana 7:17

Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

Vikolwa 15:20

Navuzwa kuvang'odere ibarwa kuvavoolera ndi vatalia viukulia vikoleywi vidamanu ku lihaanwa ku misambwa ja vanyasaye mba; valeke ovoheyi; vatalia inyama yoosi imigiywi, kandi vatanwa amasahi.

Vikolwa 15:29

Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”

Vikolwa 20:32

“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 1:29

Vizuyi zing'ano ziosi zie kivihiri, uvudamanu, uvuhuvaali, likayirwa iviaveene kandi uvwoneku. Vayizula embodoka, uvwiti, zimbemba, uvukubani, lihing'ana, uvugadi, zing'anagani zindamanu na amanyego; vamonyanaa,

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Varumi 6:22

Navuzwa kalunu, mumali kovoholorwa kutura muvwoni, na mugwiyi vatugwa avatumikiri va Nyasaye. Vukala vwa muveeye navwo kalunu nu vutakatifu, kandi keheri chavwo kcveeye livamwoyo lie mihiga ni mihiga.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 7:2

Navuzwa kigira ligerizwa ku likora voheyi limeedeki ligali, gaduukiraa musaza sa mulala ave nu mukali weve mwene, kandi mukali sa mulala adukanaa ave nu musaza weve mwene.

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

Vagalatia 5:19

Kunangwa miyinzi jumuviri jiveeye havulavu, najo ni yiji, uvulaya, kifavwi, voheyi vwi zing'ano ziosi,

Vafeso 5:17

Kigira yaga, mutava avasiru, navuzwa mugerizi kumanyiriza uvulariri vwu Mwami.

Vafeso 6:6

Vutava vutumiki vwu kuyanziza vandu kigira mwenya vamuvugiliri mba, mukore kuli Nyasaye yenya nimioyo jinyu josi.

Vakolosai 1:9

Kigira yaga, kutura nikuhulira, amakuva ginyu kwamenya ni kumusaalira kazozo. Koteva Nyasaye aduuki kumukola Mwizuli limanya liu vulaliri vwivwe, no vogeri vwosi kandi ni limanyiriza liosi lia Roho weve ahaanaa.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

1 Vatesalonike 4:2

Munyi mumanya lugano lwa malago ga kwamuha ku vunyali vwu Mwami Yeso.

1 Vatesalonike 4:4

Mundu sa mulala ku munyi gamudukira amanye kuli amenyaa nu mukali weve mwene munzira yu vutakatifu, kandi yuluyali,

1 Vatesalonike 5:18

Musandizi Nyasaye ku vindu viosi kigira yivu voveeye uvulariri vwa Nyasaye ku munyi mu Kristo Yeso.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 10:36

Gamuduukira muve nu vwikuziri, kunangwa muduuki kokora uvulariri vwa Nyasaye, kandi munyore via Nyasaye amulagaa.

Vahebraina 12:16

Muhenze vulahi, gase alava ho nu mulala ku munyi oveeye ni kifavwi chovoheyi anoho uvula kutia Nyasaye kuli Esau, wagamana uvulungi vwivwe kuli muyaayi munene ku chukulia.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

1 Petro 4:2

Kutura kalunu, mutazizagilira komenya mu likaayirwa lia vandu mba navuzwa mu vulaliri vwa Nyasaye.

1 Yohana 2:17

Kivala harara ni vindu viacho viosi via avandu vakayirwa vivitaa, navuzwa uyu okolaa uvulariri vwa Nyasaye ahindiraa imihiga ni mihiga.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.