1 Vatesalonike 4:17 - KITABU KITAKATIFU

¹⁷ Kunangwa kunyi avakukiri mwoyo ing'inga yeyo kulakavungizwi harara navo mu malesi kwaganira mwami mu vwerefu; na ndio kulava harara nu Mwami mihiga ni mihiga.

1 Vatesalonike 4:17 ပူးပေါင်းရင်းမြစ်များ

1 Avami 18:12

Galava ki niiva Roho wa Yahova gulakuvugula gukuhili kuduuka havundu hatamanyikani, nonoho lwa mba nindula? Maku, lwambolera Ahabu ndi oveeye hano ma avuli kukonyoola, alaanzita. Wizulizi ndi ndaasigamira Yahova kutura mu vosooleri vwange.

2 Avami 2:11

Vazizagilira komoloma ni vagenda; maku nonoho ligare liu muliru ni lihilwaa ni zibarasi ziu muliru liaza hagati haavo ni livavukanyia. Elija yahilwa igulu kuduuka mwigulu ni kihuzuzi.

2 Avami 2:16

ni vavoola, “Koveeye hano avasaza vi zinguru amusini. Leka kuzie kukwenyera munene woovo. Hawundi Roho wa Yahova umugingi nu kumusigisa ku kiguru kilala anoho mu livona lilala.” Elisha yativura “Awa, mutazia mba.”

Zaburi 16:11

Ivi ulamanyia inzira yi livamwoyo. Lwa oveeye himbi ninzi nzizulaa uvusangari du. Kandi ombezaa uvuyanzi mihiga ni mihiga.

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 49:15

Navuzwa Nyasaye alasoola. Alambonyia kutura mu zinguru zie likuza.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Danyeli 7:13

Lwa ndaali nindoraa malola yaga vudiku, ndalora kindu ichaali kuli mundu. Mundu oyo yaali niyazaa kuinzi, malesi gaali nigamukumbelizi, kandi yazia ku mundu waali namenyi mihiga ni mihiga. Yahilwa imbiri weve.

Matayo 26:64

Yeso yamuvolera, “Ivi ovola ndio. Navuzwa mbolera munyi mwosi: kutura ing'inga yene yiyi kuzizagilira, mulalora Mwana wa Adamu ni yikaye ku mukono mulungi gwa Nyasaye Wuvunyali, kandi ni yaazaa ku malesi gu mwigulu.”

Marko 14:62

Yeso yativura, “Inzi niyie. Mulalora Mwana wu Mundu niyikaye ku mukono mulungi gwa Nyasaye Wuvunyali, kandi niyazaa mu malesi gigulu.”

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Vikolwa 1:9

Inyima wokovoola yaga, vavugulwa kuzia mwigulu, ni Lilesi liamukunika kutura mu zimoni ziavo.

Vikolwa 8:39

Lwa vaatura mu mazi, Roho wu Mwami yavugula Filipo vwangu, kiziri oyo si yamulola kandi mba, navuzwa yaazizagilira nologendo lwilwe ni yizuuyi uvusangari.

1 Vakorintho 15:52

Lwi kisiriva kilikubwa, avakuzu valakasimugukizwi, kandi sivalikuza kandi mba, na kunyi vosi kulakagilung'anywi.

2 Vakorintho 5:8

Koveeye ne kelemamwoyo kandi kwakayaanzi kutura mu muviri yigu ma kuzie komenya harara nu Mwami Yeso.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

1 Vatesalonike 4:15

Yaga ga kumwigiza kalunu gaveeye amigizu gu Mwami. Kunyi avakoveeye mwoyo, ku lidiku liu Mwami aliiza, sikulimilira yovo avamala kukuza mba.

1 Vatesalonike 4:18

Kunangwa mu leminyane mioyo munyi aveene naveene namakuva yaga.

1 Vatesalonike 5:10

uwa kukuzira, kunangwa komenye harara naye kali nikuva mwoyo anoho ni kukuza lwa aliiza.

2 Petro 3:13

Navuzwa, kolondekana ni lisuuviriza lilie, kunyi kulindiliraa konyoora ligulu lihia kandi lirova lihia; hango hu vutakatifu.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.

Likunula 11:12

Kunangwa avaporofeti vaviri yavo vahulira mwoyo munene kutura mwigulu nigovavoolera, “Hambi igulu yinu.” Navo vanigira mwigulu mu lilesi, avasigu vaavo nivavalolaa.

Likunula 12:5

Maku mukali yivula mwana muyaayi, uliva nu uvunyali kwamiiha zihiiri ziosi zie lirova ni mbimbu yi kivia. Navuzwa mwana oyo yavugurwa vwangu nukuhirwa ku Nyasaye uwikala kondeve yeeye yu uvwami, ogoyoka nigukiri kumumira.