1 Vatesalonike 4:13 - KITABU KITAKATIFU

¹³ Avaamitu, viitu kwenya munyi mumanye agiligali ga makuva ga yavo avamala kukuza. Mutaverera kuli yavo avataveeye nilisuuvirizwa.

1 Vatesalonike 4:13 ပူးပေါင်းရင်းမြစ်များ

Litanga 37:35

Vayaayi vosi na vakana veve vaza kumuleminya mwoyo, navuzwa yasura koleminywa mwoyo. Yavoola, “Inzi ndakazie hasi mukivala chavakuzu ningisioma muyaayi wange.” Kunangwa yaazizagilira kusioma muyaayi weve Josefu.

2 Samweli 18:33

Mwami Daudi yiizurwa nekevelera. Yanina kuduuka mu keng'oze keveeye kunzira yikirivwa. Lwa yaali nazizaa, yalira, “O, muyaayi wange! Muyaayi wange Abisolomu! Abisolomu, muyaayi wange! Ngano ninzi ukuzi mu vogono vuvwo muyaayi wange! O, muyaayi wange Abisolomu!”

1 Avami 1:21

Niiva ulavula kokora ndio, nonoho lwukuza, muyaayi wange Solomoni harara ninzi kulavalizwa kuli vazami.”

1 Avami 2:10

Daudi yakuza na yayavwirwa mu Lidaala linene lilie, Jerusalemi.

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Ezekieli 37:11

Nyasaye yambolera, “Mwana wu Mundu, avandu va Isiraeli vaveeye kuli vigumba yivi. Vavola ndi vaveeye avahangalalu, kandi vaveeye vugira lisuuvirizwa, kandi vadiviziywi.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Kyavalevi 19:28

anoho mutasalagi anoho kukalaga ku miviri jinyu lwa musiomeraa vakuzu mba. Inzi mbeeye Yahova vinyu.

Kyavalevi 21:2

nataveeye umwiko weve wa himbi, kuli mama weve, baba weve, mwana weve muyaayi anoho mukaana, amwavo weve,

Matayo 27:52

ivilindwa viakunuka kandi, na avatakatifu vanyingi avaari ni vaakuza kale vasimugukizwa.

Yohana 11:24

Marita yamutivulira, “Manyi ndi alasimuguka ing'inga yi lisimuguka, lidiku lie keheri.”

Vikolwa 13:36

Daudi yaduukiza vulaliri vwa Nyasaye mu madiku geege; ma yakuza, na ateevwa ahimbi na avaguwga veve, nu muviri gwigwe gwagunda.

Vikolwa 7:60

Yasigama, nahanzuka nu mwoyo munene na avoora, “Mwami! Utavaliza vwoni yivu kuvo mba.” Lwa yamala kovora yaga, yakuza.

Vikolwa 8:2

Avandu valala avatia Nyasaye numwoyo gwosi, vazia kuyavira Sitefano, nivamusiomera vudinyu ni liverera linene.

Varumi 1:13

Avaamitu vange, nyenya munyi mumanye ndi, ndalohiza haali kanyingi kuuza kumuluta, navuzwa sindaanyaliza mba. Ndakayanzi konyoora avalondi valahi kigira Kristo hagati hinyu kuli ndanyoora mu vandu vi Zihiiri.

1 Vakorintho 10:1

Avaamitu vange, nyenya mwizurizi ikindu chekoleka ku vaguuga viitu vosi avavohololwa kutura mu kivala cha Egebeti. Vosi vaali hasi hi likingwa lie lilesi yilio kandi vosi vaambuka vulahi kuvitira munyanza Inzakanyu.

1 Vakorintho 12:1

Kalunu avaamitu vange, kolondekana na mateeva ginyu ku vihaanwa via Roho; nyenya mumanye vulahi agiligali gavio.

1 Vakorintho 15:6

Maku yaloleka kandi ku valondi veve avaari kuvita mia tano ku ing'inga ndala, avanyingi kuvo avakikiri mwoyo, kali niiva valala kuvo vamala kukuza.

2 Vakorintho 1:8

Avaamitu, kwenyaa kumwizuliza uvudinyu vwa kwanyoora mu kivala cha Asia. Vudinyu yivwo vwakumiina kuvita kegero kali nikogeha lisuuvira liu kuva mwoyo.

Vafeso 2:12

Mwizurizi ndi ing'inga yeyo, mwaali ni mwavukanywa kutura ku Kristo. Mwaali avageni kandi simwali valala ku avandu vatovole va Nyasaye mba; simwali ni lisanga mu malagano gi lisuuvirizwa lia Nyasaye ku avandu veve mba. Mwamenya mu lirova linu vugira lisuuviriza kandi vugira Nyasaye.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

1 Vatesalonike 4:14

Nikuva nikusuuvira ndi Yeso yakuza ma nasimuguka, kunangwa. Kusuuviri ndi Nyasaye alakavaleete harara na Yeso, yavo vosi avakuzaa nivasuuvira muye.

1 Vatesalonike 4:15

Yaga ga kumwigiza kalunu gaveeye amigizu gu Mwami. Kunyi avakoveeye mwoyo, ku lidiku liu Mwami aliiza, sikulimilira yovo avamala kukuza mba.

1 Vatesalonike 5:10

uwa kukuzira, kunangwa komenye harara naye kali nikuva mwoyo anoho ni kukuza lwa aliiza.

1 Vatesalonike 5:6

kunangwa kutagona kuli avandi vakora, navuzwa kulindi kazozo kandi kove novogeri.

2 Petro 3:4

valateeva, “Yalaga ndi alaza; na kalunu aveeye haliha? Avaguuga viitu vamala kukuza, navuzwa ivindu viosi vikiri vuzwa vilala viele kuli viali kutura lwe lirova lialombwa!”

2 Petro 3:8

Navuzwa avalina avayaanze, mutivilira ikindu kilala yiki! Mu zimoni ziu Mwami, lidiku lilala liveeye kuli mihiga elefu, kandi mihiga elefu jiveeye kuli lidiku lilala.