1 Vatesalonike 3:6 - KITABU KITAKATIFU

⁶ Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi.

1 Vatesalonike 3:6 ပူးပေါင်းရင်းမြစ်များ

Tsing'ano 25:25

Lwu kumaliriza, kuhuliraa makuva malahi kutura mukivala chihale gaveeye kuli kunwa mazi maziliru lwoveeye nuvuluhu.

Isaya 52:7

Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Vikolwa 16:1

Kandi Paolo yaduuka ha Deribe na Lusitura. Yaali yo mwigizwi uwalangwa Timateo. Mama weve yaali Muyuda Mukristayo navuzwa baba weve yaali Muguriki.

Vikolwa 18:1

Inyima wa yaga, Paolo yatura Azene, nazia Korinzo.

Vikolwa 18:5

Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

1 Vakorintho 11:2

Kalunu nzizominyaa munyi kigira munzizulizaa kazozo mu vindu viosi, kandi mulonda ligali amigizu ga ndaamuha.

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafilipi 1:8

Nyasaye aveeye mulolekizi wange ndi mboraa agiligali, lwambolaa ndi vuyanzi vwange ligali ku munyi mwosi vuturaa ku Kristo Yeso.

Vakolosai 1:4

Kigira kumali kuhulira lisuuvira lienyu mu Kristo Yeso, nu vuyanzi vwinyu vwa muveeye navwo ku avandu va Nyasaye vosi,

Vakolosai 4:18

Inzi Paolo ng'oda ibarwa yili nu mukono gwange mwene kuhaana mirembe. Mwizurizi livoora liange. Zimbavasi zia Nyasaye zive ni munyi.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

1 Vatesalonike 2:17

Avaamitu viitu, lwa kwavukanywa kutura ku munyi ku ing'inga ngekeeke, mu muviri, sigali ndio mu mioyo jietu, navuzwa kwaali na mahooru kandi nuvuha vwosi kumulora moni na moni.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

1 Vatesalonike 3:7

Kigira yaga, avaamitu viitu, kwaleminywa mioyo mu kivi chietu choosi no mulidambizwa lietu kigira lisuuvira lienyu.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Filemona 1:5

kigira mbulira amakuva goosi guvuyaanzi vuvwo ku vandu va Nyasaye vosi kandi lisuuvira lia oveeye nalio mu Mwami Yeso.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

1 Yohana 3:23

Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa.