1 Vatesalonike 3:3 - KITABU KITAKATIFU

³ Kunangwa mundu kali mulala atilana inyima kigira lidambizwa yili mba. Munyi mumanyi ndi yivu nuvulaliri vwa Nyasaye.

1 Vatesalonike 3:3 ပူးပေါင်းရင်းမြစ်များ

Ayubu 23:14

Nyasaye alatwekiza agaamali kondovolera; kandi lilohiza yili liveeye lilala ku manyingi aga aveeye nago.

Zaburi 112:6

Mundu mulungi sialiguutwa kali hakuzu mba; aliizulizwa mihiga ni mihiga.

Luka 21:12

Navuzwa imbiri wi vindu yivi nivikikiri kwekoleka, valamugumira nukumudambiza. Valamuzaama nukumuyaala ku vanene va masinagogi kandi muvofe mu vuhambe. Mulahilwa imbiri wa avami vanene na avamihi kigira lieta liange.

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 2:25

Kigira Daudi yavoola kuye ndi, ‘Ndaalora Mwami imbiri wange kazozo; kigira aveeye ninzi, ha mukono mulungi gwage, kunangwa mburi kodengeyizwa mba.

Vikolwa 21:11

Yaza ku kunyi, navugura musibi gwa Paolo niyevoha virenge na makono, na avoora, “Roho Mutakatifu avoora ndi: ‘Avayuda va Jerusalemi valakavohe ndi mundu mwene musibi yigu, nu kumuviika mu makono ga avandu vi Zihiiri!’ ”

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

Vikolwa 9:16

Inzi mwene ndamumanyia goosi agamuduukira kusalira kigira lieta liange.”

Varumi 5:3

Kunyi kandi kusangaliraa ikivi chietu, kigira kumanyi ndi ikivi keleetaa vwikuziri,

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

1 Vakorintho 4:9

Galoleka ku inzi ndi, Nyasaye umali kuha kunyi avatumwa vwiyangu vwukumaliriza ligali, kuli avandu vakalagiywi kwitirwa havulavu imbiri wa vandu, kuva kuli vukinu imbiri wi lirova liosi lie zingelosi kandi lia vandu.

Vafeso 3:13

Kunangwa mugoonyaa ligali, mutakuza mioyo mba kigira salira kulwa munyi; yaga gaveeye uvukala vwinyu.

Vafilipi 1:28

Mutatia avasigu vinyu mba; muve avaluviriri kazozo. Yiki kilava ekelolero kuvamanyia ndi valagotiza navuzwa munyi mulaguuta, kigira Nyasaye niyie uhaanaa ku munyi iliguuta.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

1 Vatesalonike 5:9

Nyasaye siyakuviika kusaliri kigira uvutima vwivwe mba, navuzwa konyoole uvohonyi kuvitira mu Mwami wiitu Yeso Kristo;

2 Vatesalonike 1:4

Kulwayago, kunyi aveene kwekonya kigira munyi avaveeye mu makanisa ga Nyasaye kigira uvwikuziri vwinyu; kandi lisuuvira lia muveeye nalio, mu lidambizwa lienyu liosi harara nu vusaliri vwa muzizagiliraa kwikuzira mu kazozo.

1 Petro 2:21

Nyasaye yamulanga kigira Kristo yasaalira kigira munyi, naamulekera chokohenzera kunangwa muduuki kolonda zinduvatiru zizie.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.