1 Vatesalonike 3:11 - KITABU KITAKATIFU

¹¹ Kalunu, Nyasaye wiitu, kandi Baba wiitu, harara nu Mwami wiitu Yeso akwimiliri mu zinzira zietu kuduuki ku munyi.

1 Vatesalonike 3:11 ပူးပေါင်းရင်းမြစ်များ

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Matayo 6:14

“Niiva munyi mulasamiiha avandu amahiolo gaavo ga vamukolera, Baba winyu oveeye mwigulu naye alamusamiiha kandi.

Matayo 6:18

kunangwa mundu woosi avuli kolola ndi ohongi lilia, navuzwa umanyikane ku Baba woovo utalolwa. Na Baba woovo ololaa mu vuviri alakuha madanyi.

Matayo 6:26

Heenzi amanyonyi gu muvwerefu, sigatagaa, sigagesaa, kandi sigateeraa mu kedeera choosi mba. Navuzwa kali ndio, Baba winyu oveeye mwigulu agalihizaa. Munyi muveeye avalahi ligali kugavita

Matayo 6:32

Kigira avandu vizihiiri, avatamanyi Nyasaye, venya ivindu yivi viosi.

Matayo 6:4

Uhaane ovokonyi vuvwo muvwivisu, na Baba woovo ololaa agivisa alakuha amadanyi.

Matayo 6:6

Navuzwa lwa usaala, wingiri munyumba yooyo, ma niwakahana kiliango, usaale ku Baba woovo utalolekaa; na Baba woovo ololaa agivisa, alakuha amadanyi.

Marko 1:3

Umwoyo gwu mundu mulala guhanzukaa mwigendanyama. ‘Mwetegekize inzira yu Mwami, Lungikizi zinzira zizie.’ ”

Luka 12:30

Yago goosi nigo aganyangizaa avandu vosi avatamanyi Nyasaye. Baba winyu amanyi ndi mwenya vindu yivi.

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Varumi 1:3

Ivangeri yiyi eveeye kigira Mwana wa Nyasaye, Mwami wiitu Yeso Kristo, uwaali kisukururwi cha Daudi ku liiva liu muviri;

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Vakolosai 1:2

kong'oderaa munyi Vakrisitayo vosi harara na avaamitu avasuuvirifu mu Kristo avaveeye ha Kolosai: Zimbavasi ni mirembe zive ku munyi kutura ku Nyasaye Baba wiitu.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

2 Vatesalonike 3:16

Kalunu Mwami mwene oveeye uvutangiliru vwi mirembe amuhe mirembe zing'inga ziosi kandi munzira yoosi. Nyasaye amuhe mirembe.

2 Vatesalonike 3:5

Mwami ayaanze yimiliri munyi kuduuka mu limanyiriza linene liu vuyanzi vwa Nyasaye kandi mu vwikuziri vuhaanwa na Kristo.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.