1 Vatesalonike 3:10 - KITABU KITAKATIFU

¹⁰ Kusaala Nyasaye vudiku nu mbasu ligali numwoyo gwitu gwosi aleke kunyi kololane nimunyi moni namoni, kuduuki kumuha ekegeheraa mu lisuuvira lienyu.

1 Vatesalonike 3:10 ပူးပေါင်းရင်းမြစ်များ

Luka 2:37

Yaali mukunzakali ku ing'inga yi mihiga samanini na ine. Ing'inga yeyo yoosi yaali niyamenya mulihonga lilia kandi kusaala mu Litembeli vudiku numbasu.

Vikolwa 26:7

Lilagana liene yilio nilio lie zihiiri zietu likomi na ziviri lwa vasuuvira konyoora nivasigamiraa Nyasaye nu mwoyo gwosi umbasu nu vudiku. O, Mwami, Avayuda vanzaala kigira lisuuvira yili!

2 Vakorintho 1:15

Mu agiligali yaga, ndegomba kuuza ku munyi kutanga, kunangwa munyi muduuki kugasizwa haali kaviri.

2 Vakorintho 1:24

Sikogerizaa kutumikira zingulu kumuvolera cha muduukana musuuviri mba, munyi musingiraa vudinyu mu lisuuvira lienyu. Muvogono yivwo kuyinziraa harara ni munyi muduuki kuva nu vusangali.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

Vafilipi 1:25

Mbeeye ni lisuuvira ni yaga, kandi manyi ndi ndakamenye. Nazizagilira komeeda ku lizizagilira lienyu kandi vusangali mu lisuuvira,

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

1 Vatesalonike 3:11

Kalunu, Nyasaye wiitu, kandi Baba wiitu, harara nu Mwami wiitu Yeso akwimiliri mu zinzira zietu kuduuki ku munyi.

2 Vatesalonike 1:11

Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

Filemona 1:22

Harara na yaga, wetegekizi inyumba yange kigira suuviraa ndi, Nyasaye alahaana amativuli ku lisaala lienyu vosi, ma nduuki kwirana ku munyi.

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”

Likunula 7:15

Yiki nicho kigiri vasiingi imbiri wendeve yu vwami vwa Nyasaye, nu kumutumikira mbasu nu uvudiku mu Litembeli lilie. Uyu wikaye kondeve yu uvwami alavakinga ni lihema lilie.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.