1 Vatesalonike 2:4 - KITABU KITAKATIFU

⁴ Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.

1 Vatesalonike 2:4 ပူးပေါင်းရင်းမြစ်များ

1 Avami 8:39

hulira lisaala liavo. Uvahulirizi noveeye yengo woovo mwigulu, uvasamihi, kandi uvakonye. Ivi weng'ine umanya zing'anagani ziu mumwoyo gwu mundu. Kolera sa mulala kuli adukanaa akolerwe,

2 Avami 16:16

Uria yakola kuli mwami yalaga.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Zaburi 139:23

O, Nyasaye, ambenzeriza ligali na umanye zing'anagani ziange. Ongerize na umanye zing'anagani ziumwoyo gwange.

Zaburi 17:3

Ivi umanya mwoyo gwange ligali ivi umali kuuza ku inzi mu vudiku; ivi umali kombenzeriza ligali. Na uvuli konyoora likayirwa lidamanu mu inzi. Inzi simolomaa uvudamanu kuli vandi vakora mba.

Zaburi 44:21

ivi Nyasaye wiitu waali unyala kumanya, kigira ivi umanya zing'anagani zietu ziu muvuvisi.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Tsing'ano 17:3

Izahabu ni ifeza zigelizwa kuvitira mumuliru, kandi Yahova agerizaa mwoyo gwu mundu.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Livalidza 27:16

“Yahova Nyasaye, ivi oveeye vutangiliru vwe livamwoyo liosi, ngusaala otovole mundu unyala kwimilira vandu

Luka 12:42

Mwami yamutivulira, “Nivwaha oveeye mutumikiri musuuvirifu na wovogeri uwu mwami weve aviikaa ave munene ku avatumikiri vinyumba yeeye, avahe viukulia viavo mu ing'inga yenyeka?

Luka 16:11

Kunangwa, niiva munyi simuveeye avasuuvirifu mu vutugi vwu vugadi vwi lirova yili; nivwaha ulimuha kulinda uvutugi voveeye vwi ligali?

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Varumi 8:27

Nyasaye, ololaa kuduuka mugati mwi mioyo jietu, amanya zing'anagani zia Roho kuli ziveeye; Roho agonyaa Nyasaye havogono havandu veve, kolondekana nuvulaliri vwivwe.

1 Vakorintho 7:25

Kolondekana na mateeva ginyu ku vandu vakikiri koleetana, kandi vakunzakali, simbeeye ni lilago kutura ku Mwami Yeso Kristo mba. Navuzwa mbana lilola lie zing'anagani ziange kuli mulala oheveywi zimbavasi ziu Mwami, kandi udukana asuuvirwi.

1 Vakorintho 9:17

Niiva ngoli miyinzi jange kuli liehaana liange, kuduuka ndungwi; ngolaa ndio kigira gandukira nyinziri, kigira Nyasaye yamala kuhaana ku inzi uvwilwazi vwi Ivangeri.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

2 Vakorintho 5:11

Kigira kunyi kumanyi uvulahi vwu kutia Mwami, kogerizaa kokora zinguru kogoonya avandu vavugiliri uvusuuvirifu vwitu. Nyasaye amanya kunyi ligali, ninzi mbeeye ni lisuuvira ndi, mu zing'anagani zie mioyo jinyu, munyi mwamanya inzi vulahi.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vagalatia 2:7

Navuzwa mu vogono vwo komeeda zing'anagani zimbia ku inzi, valora ndi Nyasaye yaali namali kuhaana ku inzi uvutumwa vwu muyinzi gwu kwilwaza Ivangeri ku vandu vizihiiri, kuli Petero naye yatumwa kwilwaza Ivangeri ku Avayuda.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vafeso 6:6

Vutava vutumiki vwu kuyanziza vandu kigira mwenya vamuvugiliri mba, mukore kuli Nyasaye yenya nimioyo jinyu josi.

Vakolosai 3:22

Avatugwa, muhuliri avami vinyu vu mu lirova mu vindu viosi, sigaveeye lwa vamulola kigira mwenya vamuyaanze, navuzwa mukore vutugwa yivwo numwoyo mulahi kigira mwatia Mwami.

Tito 1:3

na mu zing'inga izindahi zia yatovola, yalolekiza likuva lilie havulavu. Likuva yili liahevwa inzi nzilwaze kolondekana ni lilaga lia Nyasaye, Muhonyi wiitu.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.