1 Vatesalonike 2:17 - KITABU KITAKATIFU

¹⁷ Avaamitu viitu, lwa kwavukanywa kutura ku munyi ku ing'inga ngekeeke, mu muviri, sigali ndio mu mioyo jietu, navuzwa kwaali na mahooru kandi nuvuha vwosi kumulora moni na moni.

1 Vatesalonike 2:17 ပူးပေါင်းရင်းမြစ်များ

Litanga 31:30

Inzi manyi ndi wiruki kigira waali nuvuha kwirana hango ha baba woovo, navuzwa kigira ki wiva avanyasaye vi inyumba yange?”

Litanga 45:28

Kunangwa yavoola, “Muyaayi wange Josefu akikiri mwoyo! Ni yaga geng'ine aga nyenyi kumanya! Inzi ndazia kumulora ni ngikiri kukuza.”

Litanga 48:11

Yavolera Josefu, “Inzi si ndaganagana ku ndakolola kandi mba, navuzwa kalunu Nyasaye yambugiriyi inzi kolola ivi kandi avana vovo.”

2 Samweli 13:39

Mwoyo gwu mwami Daudi gwaali namaholu ku Abisolomu, kigira yaali niyakalema mwoyo ku likuza lia Amunoni.

2 Avami 5:26

Navuzwa Elisha yavoola, “Sindaali yo mu Roho lwa musaza oyo yatura mu ligare lie liihi lilie kukwaganira? Yiyi sieveeye ing'inga yu kuvugilira mabese ku zinguvu, milimi ji mizeituni ni vizabibu, magondi ni zing'ombe anoho avatumikiri!

Zaburi 63:1

O, Nyasaye, ivi oveeye Nyasaye wange. Na inzi ngwenyererizaa nu mwoyo gwosi. Mwoyo gwange goveeye nuvuluhu vonene ku ivi. Liiva liange liosi liegombanga ivi kuli kivala ichumu, kuli ichangalangwe chegombaa amazi.

Luka 12:58

Kigira umusigu naakuhila mukiyaro vwakaveeye vulahi muhulirizane naye kunzira imbiri wa mukiri kuduuka ku mukalagi; nutakola ndio alakuhila imbiri wu mukalagi nu mukalagi alakuhaana ku avasikari, navo valakuviika muvuhambe.

Luka 22:15

Yavavolera, “Ndayegomba ligali kulia ni munyi Lipasaka yili ningikiri kwitwa!

Vikolwa 17:10

Nonoho vudiku yivwo, avaamitu yavo vatuma Paolo na Sila vazie Berea. Lwa vamala kuduuka yo, vazia mu lisinagogi lia Vayuda.

Varumi 1:13

Avaamitu vange, nyenya munyi mumanye ndi, ndalohiza haali kanyingi kuuza kumuluta, navuzwa sindaanyaliza mba. Ndakayanzi konyoora avalondi valahi kigira Kristo hagati hinyu kuli ndanyoora mu vandu vi Zihiiri.

Varumi 15:23

Navuzwa, kigira kalunu maliyi miyinzi jange mu zimbega zinu, kandi kigira ni mihiga minyingi ningayilangwa ligali kuuza ku munyi,

1 Vakorintho 5:3

Kali niiva inzi mbeeye ihale mu muviri kutura ku munyi, mbeeye harara ni munyi mu Roho; na ndio, kuli mbeeye ho, mali kukalagira mundu wakola inguuva yiyi.

Vakolosai 2:5

Kali nindaveeye nimunyi mumuviri, navuzwa mbeeye harara nimunyi mu Roho. Inzi kandi sangala kolola vugulu vwinyu vonene, ni lisingira vudinyu lie lisuuvira lienyu mu Kristo

1 Vatesalonike 3:6

Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi.