1 Vatesalonike 2:14 - KITABU KITAKATIFU

¹⁴ Avaamitu viitu, vindu vilala viele viekoleka ku munyi kuli viekoleka ku makanisa ga Nyasaye agaveeye mu Vuyuda, ku avandu vaveeye yo avaveeye va Kristo Yeso. Munyi kandi mwadambizwa lidambizwa lilala liere kutura ku vandu vi kivala chiinyu aveene, kuli vadambizwa kutura ku Vayuda;

1 Vatesalonike 2:14 ပူးပေါင်းရင်းမြစ်များ

Vikolwa 11:19

Kolondekana ku lidambizwa liatulira ing'inga ya Sitefano yitwa, vandu avasuuviraa avanyingi vasalanywa. Avalala vazia kuduuka kali Foenisia, Saipurasi na Andiokia, na vilwaza likuva ku Vayuda venyine.

Vikolwa 13:50

Navuzwa Avayuda vagemehiza avakali vi igulu avasigamira Nyasaye, avi Zihiiri zindi, kandi avasaza vanene vi lidaala yilio. Vatanga kudambiza Paolo na Baranaba, nivavakunga mu kadaala kavo yako.

Vikolwa 14:19

Navuzwa Avayuda valala vaza kutura Andiokia ya Pisidia na Ikoniamu. Vagoonya avandu nivavaleeta kolovega lwavo, ma nivalasa Paolo magina, nivamukulula nivamuluguta ichova wi lidaala, nivaganagana ndi umali kukuza.

Vikolwa 14:2

Navuzwa Avayuda vandi avavura kusuuvira vagemehiza nivakora mioyo ja avandu vi Zihiiri jivihilirwi nu kuhingira avaamitu yavo.

Vikolwa 14:4

Navuzwa avandu vi lidaala yilio vavukana: avalala vaali kolovega lwa Avayuda, na avandi nivava kolovega lwa avatumwa.

Vikolwa 14:5

Kunangwa avalala ku avandu vi Zihiiri na Vayuda harara na avanene vaavo, vatovora kokora uvudamanu ku avatumwa, nukuvalasa amagina.

Vikolwa 17:13

Navuzwa lwa Avayuda va Tesalonike, vamanya Paolo yilwaza likuva lia Nyasaye mu Berea, vazia yo kandi, nivatanga kogoyanyia no kogemehiza viduma via avandu.

Vikolwa 18:12

Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.

Vikolwa 8:3

Navuzwa Saolo yageriza kudiviza Likanisa ligali. Yingira mu vuli inyumba, natuliza vandu avasuuviraa, avasaza na vakali, navahira muvuhambe.

Vikolwa 9:1

Ing'inga yeyo Saolo yameda litihiza liile linene liu kwita avalondi vu Mwami. Yazia ku Musaalisi Munene,

Vikolwa 9:13

Navuzwa Anania yativura, “Mwami, ndaahulira amakuva gu mundu oyo ku avandu vanyingi. Ndaahulira vindu vidamanu via yakola ku avandu vovo mu Jerusalemi.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

1 Vakorintho 10:32

Mu liiva lienyu liosi, mutikigitalizi mundu woosi mba. Kali vave Avayuda anoho vandu vizihiiri anoho vaveeye mu likanisa lia Nyasaye.

1 Vakorintho 7:17

Gaduukanaa vuli mundu amenye kolondekana ni kihanwa chu Mwami Yeso Kristo yamuha kandi kuli yaali lwa Nyasaye yamulanga. Yili nilio lilago liange lia nzigiza mu makanisa goosi.

Vagalatia 1:22

Ing'inga yene yeyo, Avakristayo va makanisa gi Ivuyuda sivali ni vamanyi inzi moni na moni mba.

1 Vatesalonike 1:1

Inzi Paolo, harara na Sila na Timateo, kong'oderaa munyi avandu vi likanisa liveeye ha Tesalonike avaveeye ava Nyasaye Baba kandi avu Mwami wiitu Yeso Kristo: Zimbavasi ni mirembe vive ku munyi.

1 Vatesalonike 1:6

Mwiga ku kunyi kandi kutura ku Mwami, kali niiva mwasalirizwa ligali kuvita, mwanyoola likuva nu vusangali kutura ku Roho Mutakatifu.

1 Vatesalonike 3:4

Lwa kwaali nikukiri ni munyi, kwa muvooleraa nigakiri kwekoleka, ndi kuziiza konyoora lisalira kandi lidambizwa; kuli mumanyi vulahi yaga gamali kwekoleka.

2 Vatesalonike 1:1

Inzi Paolo, Sila na Timateo, Kong'odera munyi avandu vi likanisa liveeye mu Tesalonike, avaveeye ava Nyasaye Baba wiitu, kandi Mwami wiitu Yeso Kristo:

2 Vatesalonike 1:4

Kulwayago, kunyi aveene kwekonya kigira munyi avaveeye mu makanisa ga Nyasaye kigira uvwikuziri vwinyu; kandi lisuuvira lia muveeye nalio, mu lidambizwa lienyu liosi harara nu vusaliri vwa muzizagiliraa kwikuzira mu kazozo.