1 Vatesalonike 2:1 - KITABU KITAKATIFU

¹ Avaamitu viitu, munyi aveene mumanyi ndi iliiza lietu ku munyi siliali lia vuzwa mba.

1 Vatesalonike 2:1 ပူးပေါင်းရင်းမြစ်များ

Ayubu 39:16

Livuudu likolera vana valio uvudamanu kuli sivaveeye valio mba. Kali miyinzi jayo nijoneka, siagihendera mwoyo mba.

Zaburi 127:1

Yahova navula kwumbaka inyumba, yavo avumbaka vanyang'ana vuzwa. Yahova navula kulinda lidaala linene, avalindi vanyang'ana vuzwa nivalinda.

Zaburi 73:13

Yaga goosi gaveeye gavuzwa, inzi kwinihiza mu mwoyo gwange, kandi sihaveeyeho nuvwoni mu inzi mba.

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Isaya 65:23

Si valakola miyinzi ja vuzwa mba, kandi si valivula avana vaduuki mu kivi mba, navuzwa ndagasiza avandu vange, kandi avana harara ni visukululwi viavo valagasizwa muzing'inga ziosi ziza.

Habakuk 2:13

Zihiiri zia mwaguuta ziveeye ni miyinzi ja vuzwa kandi viosi viavamali kwumbaka visambwa mu lumemo liu muliru. Yahova Wuvunyali umali kokora yaga.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

1 Vakorintho 15:2

Ivangeri yeyo, niyio makuva gamwilwazira. Mwahonywa kuvitira mu vangeli niiva mwakagigumira vudinyu. Nigataveeye ndio lisuuvira lienyu liveeye vuzwa.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

Vagalatia 2:2

Ndaazia kigira Nyasaye yambolera nzie yo. Mu livugana lia aviimiliri veng'ine, ndaavivaalira makuva gi Ivangeri ya ndilwaza ku vandu vizihiiri. Ndakora ndio kigira ndeenya miyinzi jange ja ndaali nindakola kale ni ja ngolaa kalunu jivuli kwoneka.

Vagalatia 4:11

Mbeeye ni lihenda mwoyo kigira munyi, gase miyinzi ja ndakora hagati hinyu jilagota vugira vukala kandi jive hazwa.

Vafilipi 2:16

lwa muva muvahezaa likuva lie livamwoyo. Nimuva nimukora ndio, inzi ndava ni kivuni chukwekonya kigira munyi Lidiku lia Kristo, kigira lilamanyia ndi ilinyang'ana liange liosi harara ni miyinzi josi sijali ja vuzwa mba.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

1 Vatesalonike 3:5

Ku kivuni yiki, lwa ndaali si nyara, ndatuma Timateo, kunangwa nduuki kumanya kuli lisuuvira lienyu liveeye. Ndaali nuvuti, namusia mugerizi wamugeriza munzira yoosi, na miyinzi jietu ja kwa kola hagati hinyu jive ja vuzwa.

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.

2 Vatesalonike 3:1

Mulimaliriza, avaamitu viitu, mukusaaliri ndi likuva liu Mwami liduuki kulanda vwangu kandi livugilirwi nu luyali kuli liali hagati hinyu.