1 Vatesalonike 1:5 - KITABU KITAKATIFU

⁵ Ivangeri yitu siyaduuka ku munyi mu makuva ameere mba, navuzwa mu zinguru, kandi mu Roho Mutakatifu; kandi mu lisuuvira liveeye liagiligali. Munyi mumanyi vulahi liiva lie limenya lietu lwa kwaali ni munyi. Gaali kigira valahi vwinyu.

1 Vatesalonike 1:5 ပူးပေါင်းရင်းမြစ်များ

Isaya 55:11

Likuva liange lia molomaa liveeye ndio kandi. Sililirana ku inzi iliere mba, navuzwa liradukiza ilienya liange. Lilagasizwa mu miyinzi ja ndalituma likore.

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Luka 1:1

Avandu vanyingi vamali kokora kuli vanyara kong'oda amakuva gi ivindu viekoleka hagati hiitu.

Vikolwa 11:21

Zinguru ziu Mwami Nyasaye ziali harara navo, na avandu vanyingi vasuuvira nivagirung'ana kuzia ku Mwami Yeso.

Vikolwa 16:14

Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

1 Vakorintho 1:24

navuzwa ku yavo ava Nyasaye amali kulanga, vombi Avayuda na Avaguriki, likuva yili liveeye Kristo, oveeye zinguru zia Nyasaye kandi ovogeri vwa Nyasaye.

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 3:16

Munyi si mumanyi ndi muveeye Litembeli lia Nyasaye kandi Roho wa Nyasaye amenyaa mu munyi?

1 Vakorintho 3:6

Inzi ndaataga uvuguza, na Apolo naasama amazi; navuzwa Nyasaye naavuvirukiza.

1 Vakorintho 4:20

Kigira Uvwami vwa Nyasaye sivoveeye vwa makuva meere vuzwa, navuzwa vwe zinguru.

1 Vakorintho 9:14

Munzira ndala nzere, Mwami umali kulaga ndi, yavo aviilwaazaa Ivangeri ya Nyasaye, kuduuka vanyoore liekoonya liavo kuturana ku Ivangeri.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

Vagalatia 2:2

Ndaazia kigira Nyasaye yambolera nzie yo. Mu livugana lia aviimiliri veng'ine, ndaavivaalira makuva gi Ivangeri ya ndilwaza ku vandu vizihiiri. Ndakora ndio kigira ndeenya miyinzi jange ja ndaali nindakola kale ni ja ngolaa kalunu jivuli kwoneka.

Vagalatia 5:5

Navuzwa, ku lisuuvira, kulindilira nu vuha kuvitira mu roho, vulungi vwi lisuuvirizwa.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vafeso 3:20

Kalunu uyu, wi zinguru zizie ziyinziraa mu kunyi, anyala kokora amanyingi ligali kuvita yago agakunyala koteeva anoho kuganaganaa.

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Vafilipi 4:9

Mukore vindu viosi via mwiga no konyoora kutura ku inzi kandi via mwahulira nimbora no kolola ningoraa. Na Nyasaye uhaanaa kunyi mirembe alava harara ni munyi.

Vakolosai 2:2

Inzi ngolaa yaga ni kivuni ndi, vaduuki koleminywa mioyo, vahambanywe harara mu vuyanzi, kunangwa vaduuki ku vutugi vwosi vwi lisuuvirizwa voletaa limanyiriza. Mu yaga; vaduuki kumanya agaviswa ga Nyasaye, agaveeye Kristo mwene.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

2 Vatesalonike 2:14

Nyasaye yamulanga kuvitira mu Ivangeri ya kwamwilwazira. Yamulanga muduuki konyoora vukumi vwu Mwami wiitu Yeso Kristo.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 6:11

Lienya lietu linene liveeye ndi, sa mulala ku munyi alolekizi vugulu vwivwe kuduuka ku keheri, chu vuduukiru vwi lisuuvirizwa lienyu.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Petro 5:3

Mutagerizi kwamiiha kandi gatava kuli mwekora avanene vamulinda mba, navuzwa muve kelolero chi ichayo.

2 Petro 1:10

Kulwa yaga, avaamitu, muyinziri ni zinguru miyinzi milahi mulombe lilangwa ni litovolwa lienyu vive via agiligali. Nimukora yaga simunyala koleka lisuuvira lienyu mba.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.