1 Vatesalonike 1:3 - KITABU KITAKATIFU

³ Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

1 Vatesalonike 1:3 ပူးပေါင်းရင်းမြစ်များ

Litanga 29:20

Yakobo yayinzira imihiga saba kunangwa anyoore Raheli. Ing'inga yeyo yaali kuli madiku makekeeke vuzwa, kigira yamuyanza ligali.

Kohelethu 2:26

Nyasaye ahaanaa ovogeri, limanya kandi uvusangari ku yavo avamuyaanzizaa, navuzwa akolaa avoni kuyinzira vudinyu nokonyoora kandi kuviika mu kedeera, kunangwa vindu via vanyooye viduuki kuhaanwa ku yavo avayaanzizaa Nyasaye. Yaga goosi gaveeye vuzwa. Gaveeye vuzwa kuli kudidikana nokolonda imbuza.

Lwimbu lwa Solomoni 8:7

Amazi manyingi siganyala kugusiminya mba, kandi mazi gi migera siganyala, navuzwa niiva mundu yakagerizi kugura vuyanzi nu vutugi vwivwe vwosi, alakolerwa kehenyahenye.

Yohana 14:15

“Ni muva ni munyanza, mulagumira amalago gange.

Yohana 15:10

Nimugumira amalago gange mulamenya mu vuyanzi vwange, kuli inzi mali kugumira amalago ga Baba wwivwe nokomenya mu vuyanzi vwange.

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Varumi 12:12

Musangare mu lisuuvirizwa lienyu vuli kazozo. Muve aviikuziri mu lidambizwa. Muhongere ligali kusaala.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

Varumi 16:6

Mirembe jange jiduuki ku Maria, wamukolera miyinzi minyingi nu vugulu.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vagalatia 6:9

Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

1 Vatesalonike 3:6

Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi.

2 Vatesalonike 1:11

Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Vahebraina 10:36

Gamuduukira muve nu vwikuziri, kunangwa muduuki kokora uvulariri vwa Nyasaye, kandi munyore via Nyasaye amulagaa.

Vahebraina 11:17

Kigira lisuuvira, Nyasaye yageriza Aburahamu ahaane Isaka mwana weve muderwa, ave kuli kisiuviriru. Aburahamu niye wa Nyasaye yalombera lisuuvirizwa yilio. Kali ndio, yavugilira kuhaana mwana weve muderwa kuli kisiuviriru.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

Vahebraina 4:11

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

Vahebraina 6:15

Aburahamu yaali mwikuziri, kandi ndio yanyoora icha Nyasaye yamusuuviriza.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.

1 Yohana 3:18

Avana vakekeeke vange, uvuyanzi vwitu vutava vwa amakuva ni limoloma iliere vuzwa mba; kuduuka vove uvuyanzi vwagiligali uvwimanyia uvwene mu vikolwa.

1 Yohana 3:21

Avalina avayaanze vange niiva zing'anagani zie mioyo jietu ziivulaa kukukalagira, koveeye nu vuluviliri imbiri wa Nyasaye;

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.

1 Yohana 5:3

Uvuyanzi vwitu ku Nyasaye voveeye kovora ukuhulira amalago geege. Kandi amalago geege sigaveeye amadinyu ku kunyi mba.

Likunula 2:19

Inzi manyi vikolwa vivio. Manya vuyanzi vuvwo, lisuuvira liilio, kandi uvutumiki nu uvwikuziri vuvwo. Kandi manya vulahi ndi imiyinzi jijo jienyima jiviti jukutanga.

Likunula 3:10

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.