1 Vakorintho 9:21 - KITABU KITAKATIFU

²¹ Munzira ndala nzere, lwa nyinziraa harara na vandu vizihiiri, menyaa kuli vandu vizihiiri, vugira kolonda Lilaga lia Vayuda. Ngolaa ndio kunangwa nduuki konyoora vandu vizihiiri vaze ku Kristo. Yaga sigamanyia ndi inzi menyaa ichova wi Lilaga lia Nyasaye mba; inzi nondaa ligali Lilaga lia Kristo.

1 Vakorintho 9:21 ပူးပေါင်းရင်းမြစ်များ

Zaburi 119:32

Ndahulira malago googo nu mwoyo gwosi, kigira ulamba limanyiriza linyingi ligali.

Vikolwa 15:28

Galoleki amalahi ku Roho Mutakatifu kandi ku kunyi kutamudwika musigo guvitaa vindu vinene yivi mba:

Vikolwa 16:4

Lwa yaali niyavitaa mu madaala yago, vahaana ku vandu avasuuviri malago avatumwa na vakulundu vaali mu Jerusalemi vahaana nivavavoolera vagagumiri.

Vikolwa 21:25

Kunangwa avandu vi Zihiiri zindi avasuuviraa, kwamala kuvahilira ibarwa nikuvavoolera makuva ga kwakalaga: vatalia kindu choosi chahaanwa ku vitangugi mba, vatanwa masahi, vatalia inyama yu mutugu gumigiywi, kandi velehe ku ovoheyi.”

Varumi 2:12

Avandu vosi vamali kokora vwoni vugira kumanya Lilaga lia Musa valadiva vugira lilaga. Avandu vosi vakola vwoni nivamanya Lilaga, valakalagirwa kolondekana ku Lilaga.

Varumi 2:14

Avandu vi zihiiri sivaveeye ni Lilaga lia Musa mba; navuzwa lwa vakora vindu veene mu liyaanza liavo gi Lilaga lienyaa, aveene vaveeye Lilaga, kali niiva sivaveeye ni Lilaga.

Varumi 7:22

Sangaliraa Lilaga lia Nyasaye mugati musi mwu mwoyo gwange.

Varumi 7:25

Lisandiza liveeye ku Nyasaye, kuvitira mu Yeso Kristo Mwami wiitu! Kunangwa yili nilio liiva liange: Inzi nyara kutumikira Lilaga lia Nyasaye mu zing'anagani ziange, navuzwa mu liiva liu muviri gwange, ndumikiraa Lilaga liu vwoni.

Varumi 8:4

Nyasaye yakola yaga kunangwa uvulungi vwi Lilaga lienyaa vuduuki kuduukizwa mu kunyi avamenyaa kolondekana ni liiva lia Roho, kandi sigaveeye kolondekana ni liiva liu muviri mba.

Vagalatia 3:2

Nyenya kumanya vuzwa kindu kilala kutura ku munyi. Mwavugula Roho wa Nyasaye ku likora agi Lilaga lienyaa, anoho ku lihulira Ivangeri nu kugisuuvira?

Vagalatia 6:2

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.