1 Vakorintho 9:19 - KITABU KITAKATIFU

¹⁹ Kali nimbeeye umuvoholore kutura ku vandu vosi, inzi ndayekola umutugwa kunangwa nduuki konyolera Kristo avandu vanyingi kuli ganyalika.

1 Vakorintho 9:19 ပူးပေါင်းရင်းမြစ်များ

Tsing'ano 11:30

Uvulungi vuhaana livamwoyo, navuzwa kilage kitulizaho livamwoyo.

Matayo 18:15

“Amwavo woovo nakwonera, zia kuye umumanyie uvwoni vwivwe. Navuzwa gakoleke vuzwa mu vwivisu hagati hinyu. Niiva mulahuliriza umali kwilanyia amwavo woovo.

Varumi 1:14

Mbeeye ni ligovi ku vandu vosi, Avaguriki vamanya malago ga Nyasaye na vandu vataveeye Vaguriki avakikiri kumanya malago ga Nyasaye, avageri na vataveeye nilimanya.

Varumi 11:14

Suuviraa nyara kokora avandu vi ihiiri yange vakendeke, na ndio nduuki kohonyia valala kuvo.

Varumi 15:2

Muvwiyangu yivwo, sa mulala ku kunyi, gamudukira ayaanzize mutende weve ku vulahi vwivwe umwene. Gakuduukiraa kokole ndio kunangwa kuduuki kumwumbaka mu lisuuvira.

1 Vakorintho 10:29

sigaveeye kigira zing'anagani ziu mwoyo gugwo, navuzwa zio mundu wundi. “Kali ndio, ni vulahi,” umundu wundi ateevaa, “ Kigira ki ovovoholore vwange vunyala kwigalirwa ni zing'anagani ziu mundu wundi?

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 7:16

Ivi mukali Mukristayo unyala kumanya ndi ulakahonyie musaza woovo? Anoho ivi musaza Mukristayo, unyala kumanya ndi ulakahonyie mukali woovo?

1 Vakorintho 9:1

Inzi mbeeye muvoholore ligali, kandi mbeeye mutumwa. Inzi ndaalora Yeso Mwami wiitu, munyi muveeye mativuli gi miyinzi jange kigira ndilwaza Ivangeri.

2 Vakorintho 12:14

Kalunu nzetegeki ligali kuuza kuluuta munyi ing'inga ya kavaga, na sindenya kindu choosi kutura ku munyi mba. Icha nyenya sigaveeye mabese ginyu mba, navuzwa nyenya munyi aveene. Sigoveeye mwima avana kuviikira aviivuli vaavo mabese mu livikiru, navuzwa aviivuli nivo vavikiraa avana vaavo mabese mu livikiru.

2 Vakorintho 4:15

Yaga goosi gaveeye kigira munyi; kandi kuli zimbavasi zia Nyasaye zilandaa ku vandu vanyingi kandi avandu yavo valameeda lisaala linyingi lie lisandiza kigira vukumi vwa Nyasaye.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Vagalatia 5:1

Koveeye no vovoholore mu Kristo na Kristo niyie wakovoholora. Kunangwa, singiri vudinyu kuli avandu vavoholore kandi mutavugilira kuva avatugwa kandi mba.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,