1 Vakorintho 9:17 - KITABU KITAKATIFU

¹⁷ Niiva ngoli miyinzi jange kuli liehaana liange, kuduuka ndungwi; ngolaa ndio kigira gandukira nyinziri, kigira Nyasaye yamala kuhaana ku inzi uvwilwazi vwi Ivangeri.

1 Vakorintho 9:17 ပူးပေါင်းရင်းမြစ်များ

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

1 Kyetsinyinga 29:14

“Navuzwa inzi mbeeye vwaha, na avandu vange vaveeye ki, kuduuki kuva avanyala kwihana aveene nu mwoyo gwu vulaliri vwosi kuli yivu? Kigira ivindu viosi vituraa ku ivi, na kukuheezaa iviveeye vivio.

1 Kyetsinyinga 29:5

kandi yu kusiaha iviju viosi via vasiza valomba. Kunangwa kalunu nivwaha ulalira kuhaana nu vuhaani vwosi Vwu mwoyo ku Yahova?”

1 Kyetsinyinga 29:9

Avandu vaali nu vuyanzi vonene ligali kigira vaali nivamali kuhaana kuli valalira. Mwami Daudi naye kandi yayanza ligali.

Nehemia 11:2

Avandu vasandiza umundu wundi vosi avihaana komenya mu Jerusalemi.

Isaya 6:8

Maku ndahulira Yahova navoora, “Nivwaha wanyala kutuma? Kandi nivwaha unyala kuva mutumwa wiitu?” Maku ndavoora, “Inzi mbeeye hano nduma!”

Jeremia 20:9

Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Ezekieli 3:14

Roho yang'inga igulu ma mambila ihale, kandi ndaazia mu vululu nu vutima, zinguru zia Yahova ziali na inzi.

Jona 1:3

Navuzwa Jona yiruka kutura ku Yahova nazia Tarishishi. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.

Malaki 1:10

Yahova Wuvunyali avoora, “Nzegomba mundu mulala ku munyi ahane viliango vie Litembeli kunangwa muvuli kuhambiza muliru gutaduukanaa ku vwali vwange. Inzi simbeeye nuvuyanzi ni munyi mba, si ndavugilira vihaanwa via muletaa ku inzi mba.

Matayo 10:41

Uyu uwingirizaa mutumwa wa Nyasaye kigira aveeye muporofeti, alasaanga mu madanyi gu mutumwa oyo. Na uyu wingirizanga mundu mulungi kigira aveeye mundu mulungi, alanyoola madanyi gu mundu mulungi.

Matayo 24:25

Henza! Inzi mali kumuvolera ing'inga nikikiri kuduuka.

Luka 12:42

Mwami yamutivulira, “Nivwaha oveeye mutumikiri musuuvirifu na wovogeri uwu mwami weve aviikaa ave munene ku avatumikiri vinyumba yeeye, avahe viukulia viavo mu ing'inga yenyeka?

Yohana 4:36

Mugesi anyoora madanyi geege, ma avungiza viamo kigira livamwoyo litahera mba, kunangwa mundu utagaa nogesaa vasangala harara.

1 Vakorintho 3:14

Niiva muyinzi gwu mundu yumbaka ku musingi yigu gulakahononoke mu muliru, umwumbaki alakanyoole madanyi geege.

1 Vakorintho 3:8

Uyu utaagaa kandi uyu usamaa mazi, vombi vaveeye kindu kilala. Nyasaye alahaana amadanyi geege kolondekana ni miyinzi jije mwene.

1 Vakorintho 4:1

Kunangwa gadukanaa avandu vakuvuguli kuli koveeye avatumikiri va Kristo, avahevwe vunyali vwu kwilwaza agaviswa giligali ga Nyasaye.

1 Vakorintho 9:16

Inzi simbeeye nu vunyali kwiyizominya vuzwa kigira nzilwazaa Ivangeri mba. Kali ndio, inzi mbeeye hasi ha malago kokora ndio. Kivi kenyoole niiva sindiilwaza Ivangeri!

1 Vakorintho 9:18

Umutungu gwange goveeye ki? Mutungu gwange goveeye uvwiyangu vulahi vwu kwilwaza Ivangeri vugira mituungu. Ngolaa ndio vugira koteeva via gaduukanaa nyoore viosi kigira miyinzi ji Ivangeri yanzilwazaa.

2 Vakorintho 8:12

Niiva mundu aveeye nilienya kuhaana, Nyasaye avugiliraa kihanwa chiche kolondekana ne kegero chanyala kuhaana; sianyala kuhaana chataveeye nacho mba.

Vagalatia 2:7

Navuzwa mu vogono vwo komeeda zing'anagani zimbia ku inzi, valora ndi Nyasaye yaali namali kuhaana ku inzi uvutumwa vwu muyinzi gwu kwilwaza Ivangeri ku vandu vizihiiri, kuli Petero naye yatumwa kwilwaza Ivangeri ku Avayuda.

Vakolosai 1:25

Kandi mali kokolwa mutumikiri wi likanisa na Nyasaye uwahaana ku inzi muyinzi gwu vulindi yigu ngole kigira uvukala vwinyu. Goveeye muyinzi gwu kwilwaza likuva lia Nyasaye.

1 Vatesalonike 2:4

Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.

Filemona 1:14

Navuzwa sinyenyaa kokora ikindu choosi vugira livugilira liilio mba. Sinyenyaa kukuniga ku ongonye mba, kigira uvulahi vuvwo kuduuka vutuli ku liyaanza liilio mwene navuzwa sigaveeye kigira linigwa mba.