1 Vakorintho 9:16 - KITABU KITAKATIFU

¹⁶ Inzi simbeeye nu vunyali kwiyizominya vuzwa kigira nzilwazaa Ivangeri mba. Kali ndio, inzi mbeeye hasi ha malago kokora ndio. Kivi kenyoole niiva sindiilwaza Ivangeri!

1 Vakorintho 9:16 ပူးပေါင်းရင်းမြစ်များ

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Jeremia 1:17

Wetegeke Jeremia, uzie na ovoolere avandu va Isiraeli goosi agaamali kukulaga kovora. Utavatia mba, gase ndakokola ove umuti imbiri wavo.

Jeremia 20:7

O, Yahova, ivi wangada, na inzi ndaahulira. Ivi oveeye ni zinguru kuvita inzi, kandi umali kunguuta. Vuli mundu yasekeriza, vaangolera kehenyahenye vuli lidiku liosi.

Jeremia 20:9

Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Amosi 3:8

Lwi Isimba ihuuma, nivwaha unyala kuvula kutia? Lwa Yahova Nyasaye amali kovora, nivwaha unyala kuvula kuporofeta makuva geege?

Amosi 7:15

Navuzwa Yahova yambugura kutura ku miyinzi jange kuli umwayi wi mitugu kandi yambolera, nzie koporofeta ku avandu veve Isiraeli.

Matayo 25:16

Uyu wahevwa zitalenta zitano yazia naakiranyia nanyoora uvukala vwi zindi zitano.

Luka 9:62

Yeso yamutivulira, “Sihaveeyeho nu mundu uviikaa mukono ku ligembe ma ahenza inyima, siaduukanaa kutumika mu Vwami vwa Nyasaye mba.”

Vikolwa 4:20

Kigira kunyi si kunyala koleka kovora amakuva gi vindu via kwalola kandi via kwahulira mba.”

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Vikolwa 9:6

Navuzwa kalunu vuka, wingiri mu lidaala uwa umanya ovoolerwe amakuva aga udukana okole.”

Varumi 1:14

Mbeeye ni ligovi ku vandu vosi, Avaguriki vamanya malago ga Nyasaye na vandu vataveeye Vaguriki avakikiri kumanya malago ga Nyasaye, avageri na vataveeye nilimanya.

Varumi 15:17

Kunangwa, mbeeye ni kivuni chi lieyizominya mu Kristo Yeso kigira miyinzi ja ngolera Nyasaye.

Varumi 4:2

Aburahamu naava niyakolwa kuva mululungi kigira uvugulu vwi miyinzi jije, aveeye ni kindu chu kwiyizominya ku. Navuzwa sianyala kwiyizominya imbiri wa Nyasaye mba!

1 Vakorintho 4:15

Kali niiva muveeye na vigizi zielefu likomi mu Kristo, simuveeye na vababa vanyingi mba, kigira ndaagwa baba winyu mu Kristo Yeso ku limwilwaazira Ivangeri.

1 Vakorintho 9:12

Niiva avandi vaveeye nuvunyari konyoora ivindu yivi kutura ku munyi kali kunyi koveeye nuvunyari konyoora ivindu vinene ligali. Navuzwa kunyi kukiri kutumikira vunyali yivu. Mu vogono vwene yivwo kumali kwikuzira ku zing'ano ziosi zie kivi kunangwa kuvuli kuviika kindu chu kwigalira Ivangeri ya Kristo kulanda havundu hoosi vwangu.

1 Vakorintho 9:14

Munzira ndala nzere, Mwami umali kulaga ndi, yavo aviilwaazaa Ivangeri ya Nyasaye, kuduuka vanyoore liekoonya liavo kuturana ku Ivangeri.

2 Vakorintho 2:12

Lwa ndaaduuka mu Turoasi kwilwaza Ivangeri kigira Kristo, ndaadegela ndi Mwami yaali niyiguuyi ikiliango chi miyinzi wene yeyo.

Vakolosai 4:17

Muvoolere Arikipo amakuva yaga, “Olole ndi udukizi muyinzi gwa wahevwa mu vutumiki vwu Mwami.”

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.