1 Vakorintho 9:12 - KITABU KITAKATIFU

¹² Niiva avandi vaveeye nuvunyari konyoora ivindu yivi kutura ku munyi kali kunyi koveeye nuvunyari konyoora ivindu vinene ligali. Navuzwa kunyi kukiri kutumikira vunyali yivu. Mu vogono vwene yivwo kumali kwikuzira ku zing'ano ziosi zie kivi kunangwa kuvuli kuviika kindu chu kwigalira Ivangeri ya Kristo kulanda havundu hoosi vwangu.

1 Vakorintho 9:12 ပူးပေါင်းရင်းမြစ်များ

Litanga 24:56

Navuzwa mundu uyu yavoola, “Mutakokoli komenye hano mba. Yahova amali kugasiza logendo lwiitu; muleke kwirane ku munene wiitu.”

Nehemia 4:8

Kunangwa vosi valohiza makiriri ukuuza kwingilira Jerusalemi kandi valeta iligoyana mu lidaala.

Luka 11:52

“O, vayaye kilaamo keveeye ku munyi avigizi vi Lilaga! Kigira muvuguyi nukuvisa ulufungu lwu muliango gwi inyumba yo vogeri vwi limanya. Navuzwa munyi aveene simwingiraa mu mba, kandi mwigalira avaari nivingira vavuli kwingira.”

Vikolwa 18:3

Kigira vaali avasiza vu kunava amahema kuli Paolo, yamenya navo, nivakora miyinzi harara.

Varumi 15:22

Kunangwa, mali kwigalirwa haali kanyingi mburi kuuza ku munyi.

1 Vakorintho 13:7

Uvuyanzi vukunikaa vindu viosi vusuuviraa vindu viosi, vusuuvirizwa vindu viosi. Vwikuzira ku vindu viosi.

1 Vakorintho 6:7

Agiligali gaveeye ndi: kuva ni miyaalo hagati hinyu kumanyia ndi mwamala kugwa ligali; sivwakaveeye vulahi ligali ku munyi kwikuzira ku likolerwa uvudamanu mba? Si vwakaveeye vulahi ligali kuvita munyi kunuurwa mba?

1 Vakorintho 9:14

Munzira ndala nzere, Mwami umali kulaga ndi, yavo aviilwaazaa Ivangeri ya Nyasaye, kuduuka vanyoore liekoonya liavo kuturana ku Ivangeri.

1 Vakorintho 9:15

Navuzwa inzi ngikiri kutumikira vindu via gandukira nyoore; kandi sing'odaa ulwene yilu kunangwa mumbe vindu zana mba. Vwakaveeye vulahi inzi nguzi kutanga! Siaveeyeho mundu unyala kunyaga lizominywa liange na amakuva ameere vuzwa mba.

1 Vakorintho 9:16

Inzi simbeeye nu vunyali kwiyizominya vuzwa kigira nzilwazaa Ivangeri mba. Kali ndio, inzi mbeeye hasi ha malago kokora ndio. Kivi kenyoole niiva sindiilwaza Ivangeri!

1 Vakorintho 9:18

Umutungu gwange goveeye ki? Mutungu gwange goveeye uvwiyangu vulahi vwu kwilwaza Ivangeri vugira mituungu. Ngolaa ndio vugira koteeva via gaduukanaa nyoore viosi kigira miyinzi ji Ivangeri yanzilwazaa.

1 Vakorintho 9:2

Kali niiva avandi sivambugilira kuli mutumwa, munyi mumbugiliraa kigira munyi muveeye muhuri gwu vutumwa vwange mu Mwami.

2 Vakorintho 11:12

Ndazizagilira kokora aga ngolaa kalunu, nduuki kwigalira “avatumwa” vandi yavo vavuli kuva ni kivuni chu kwekonyera ku, mu livoora ndi vakora miyinzi kuli kunyi kokoraa.

2 Vakorintho 11:20

Kigira mwikuziraa, kali mundu naamukora kuli vatugwa anoho mundu naamukora ululiiru, anoho naamulanga no vogeri vwu vugadi, niyenenehiza naamwaala izingovi.

2 Vakorintho 2:12

Lwa ndaaduuka mu Turoasi kwilwaza Ivangeri kigira Kristo, ndaadegela ndi Mwami yaali niyiguuyi ikiliango chi miyinzi wene yeyo.

2 Vakorintho 6:3

Kunyi sikwenyaa mundu woosi anyoore mahiolo mu miyinzi jietu mba; sikwenyaa kuviika ikindu chu kwikigitariza mundu woosi mba.