1 Vakorintho 8:6 - KITABU KITAKATIFU

⁶ navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

1 Vakorintho 8:6 ပူးပေါင်းရင်းမြစ်များ

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Jeremia 10:6

O, Yahova, siaveeyeho nu mulala kuli ivi, ivi oveeye wizingulu kandi lieta liilio liveeye linene kandi liezingulu ligali.

Jeremia 10:7

Nivwaha uvura kuha ivi luyali, umwami wizihiiri ziosi? Gaduukanaa oheevwe luyali. Siaveeyeho nu mulala kuli ivi kutura mu vandu vosi vovogeri vizihiiri anoho kutura mu avami vaavo mba.

Jona 1:9

Jona yativura, “Inzi mbeeye Muheburaina. Sigamira Yahova Nyasaye wu mwigulu, uwalomba lirova kandi inyanza.”

Malaki 2:10

Kunyi kwosi sikoveeye na baba mulala? Siaveeye Nyasaye mulala mwene walomba kunyi kwosi? Maku kigira ki kuvunagaa lilagana lietu lia kwalomba mulala nu wache, kigira ki kolegelizaa lilagana lia Nyasaye yalomba navaaguuga viitu?

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Yohana 1:10

Likuva liali mu lirova, kandi muye Nyasaye yalomba lirova, navuzwa lirova, siliamumanya mba.

Yohana 1:3

Nyasaye yalomba vindu viosi kuvitira muye. Sichaaliho ni kindu kali kilala ku vilombe viosi, ichalombwa vugira Ye.

Yohana 10:30

Inzi na Baba wange, koveeye kindu kilala.”

Yohana 13:13

Munyi munangaa “Mwigizi” kandi “Mwami”, munyi muvooraa vulahi kigira mbeeye ndio.

Yohana 14:20

Lwi lidiku yilio liliduuka mulakamanye ndi inzi mbeeye mu Baba wange, kandi munyi muveeye mu inzi, kuli inzi mbeeye mu munyi.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Vikolwa 17:28

Mundu mulala yavoola, ‘Muye komenyaa kandi koveeye mwoyo, kogenda, kandi koveeye ho!’ Gaveeye kuli avalala ku vandu vinyu vavoola, ‘Kunyi koveeye avana veve.’

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Varumi 11:36

Vindu viosi vialombwa naye, kandi viosi viveeye ho mwoyo kuvitira mu zinguru zizie; kandi viosi viirana kuye. Uvukumi vove kuye mihiga ni mihiga! Amini.

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 12:3

Nyenya mumanye ndi, umundu woosi wimilirwa na Roho wa Nyasaye sianyala kovora, “Yeso alaamwe mba!” Kandi sianyala kwiyama, “Yeso aveeye Mwami”, natimiliywi na Roho Mutakatifu.

1 Vakorintho 6:13

Mundu wundi anyala kovora, “Chukulia keveeye kulwi inda, na inda eveeye kulwi chukulia.” Vulahi; navuzwa Nyasaye alakadiviza viombi viviri. Muviri sigunyala kutumikirwa ku kifavwi chovoheyi mba, navuzwa kutumikira Mwami; Mwami alindaa miviri jietu.

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

Vafeso 3:14

Kigira yaga, sigamaa mu lisaala imbiri wa Baba,

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Kwidzulitsa 6:4

“Muhuliri, O, avandu va Isiraeli; Yahova; Yahova yeng'ine, aveeye Nyasaye wiitu.

Vakolosai 1:6

Ivangeri yiyi imali kuduuka ku munyi kuli wa veeye mu lirova liosi nokoleta vugasu no komeedeka, kuli eveeye ku munyi kandi, kutura lidiku lia mwa hulira nu kumanyiriza zimbavasi zia Nyasaye mu agiligali.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.