1 Vakorintho 8:1 - KITABU KITAKATIFU

¹ Kalunu, nyenya kong'oda kolondekana ni viukulia visalisirangwa vifananyi, gaveeye agiligali ndi, “Kunyi kwosi koveeye nilimanya,” kuli vavoola. Navuzwa limanya kuli yilio lilombaa mundu kuva ni liegingira, nitali uvuyanzi vokolaa kunyi kuviruka mu Roho.

1 Vakorintho 8:1 ပူးပေါင်းရင်းမြစ်များ

Isaya 47:10

“Mwayanzilira kokora uvudamanu, mwaganagana ndi mundu kali mulala siyaali anyala kumulora mba. Ovogeri kandi limanya lienyu viamugotiza, kandi mwavoora mu mioyo jinyu, ‘Kunyi koveeye Nyasaye, siaveeye ho nu wundi kuli kunyi mba.’

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Livalidza 25:2

Avakali yava vaavagenihiza mu lilia lie Lisavo lie visiuviliru via vanyasaye va Moabu. Avandu va Isiraeli valia viukulia kandi vasigamira vanyasaye vaavo.

Vikolwa 15:10

Kunangwa kigira ki kalunu mwenya kogeriza Nyasaye ku lidwika vandu avasuuviraa yava umusigo ku migongo, kali ugwa vaguuga viitu, anoho kunyi vene sikunyala kuginga kali hakuzu?

Vikolwa 15:29

Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”

Vikolwa 21:25

Kunangwa avandu vi Zihiiri zindi avasuuviraa, kwamala kuvahilira ibarwa nikuvavoolera makuva ga kwakalaga: vatalia kindu choosi chahaanwa ku vitangugi mba, vatanwa masahi, vatalia inyama yu mutugu gumigiywi, kandi velehe ku ovoheyi.”

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

Varumi 14:10

Kunangwa, kigira ki ivi ukalagiraa amwavo woovo? Na ivi, kigira ki uchayaa amwavo woovo? Kunyi vosi kulakasingiri imbiri wa Nyasaye kukalagirwa naye.

Varumi 14:14

Manya kandi mbeeye nagiligali mu Mwami Yeso ndi, sihaveeyeho ni chukulia ku choosi ikitaveeye kilahi ku vwacho mba; navuzwa niiva mundu asuviraa ndi chukulia yiki sikeveeye kilahi kulia, maku sikeveeye kilahi kuye mba.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

Varumi 14:22

Kunangwa ulindi lisuuvira lia oveeye nalio ku makuva yaga hagati hoho na Nyasaye woovo. Aveeye nu vugasu umundu utikalagilaa ku yiki cha avugiliraa keveeye kilahi mba.

Varumi 14:3

Vandu valiza vindu viosi vatachaya yava vatanyala kulia vindu viosi mba; kandi yavo vatalizaa vuzwa zinguza vatakalagira yavo vatalizaa vindu viosi mba, kigira Nyasaye umali kuvavugilira.

Varumi 15:14

Avaamitu vange, mbeeye ni lisuuvira ndi munyi kandi mwizuyi uvulahi vwosi kandi, muveeye ni limanya liosi; kandi munyala kwigizana aveene naveene.

1 Vakorintho 1:5

Kigira mu lihambanywa harara na Kristo, mumali kokolwa avatugi mu vindu viosi mu limoloma liosi kandi mu limanya liosi.

1 Vakorintho 10:15

Inzi molomaa ku munyi kuli mbolera avandu vaveeye no vogeri; mwikalagiri aveene ku gamboolaa.

1 Vakorintho 10:28

Navuzwa niiva mundu amuvoleraa, “Chukulia yiki kihaaniywi ku kifananyi,” ahene yaho mutalia ichukulia yicho mba, kigira umundu oyo umuvooleeye ndio; kandi kigira zing'anagani zie mioyo jinyu,

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

1 Vakorintho 4:18

Avalala ku munyi vatangi liegingira kigira hawundi muganaganaa ndi sindaaza nzizi ku munyi mba.

1 Vakorintho 4:6

Avaamitu vange, inzi mali kokora yaga goosi ku inzi mwene, kandi ku Apolo kulwu vukala vwinyu, kunangwa muduuki kwiga kutura kukunyi kivuni chi livoora yili, “Mulonde amalago gadukanaa.” Kulwayago mulala ku munyi atava ni liegingira na achaye wundi mba.

1 Vakorintho 5:2

Munyala ndi kwigingira! Simunyala kovelera kugo? Oyo wakola inguuva yeyo akuungwi kutura mu likanisa.

1 Vakorintho 5:6

Sivoveeye vulahi munyi kwigingira mba. Simwamanya livoora, “Amamera makekeeke galombaa lihumbi liu vusie vwosi kuvimba?”

1 Vakorintho 8:2

Mundu naava naganagana yamanya kindu, agiligali gaveeye ndi, akikiri kumanya kindu kuli gamudukira amanye.

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

1 Vakorintho 8:7

Navuzwa, sivaveeye vosi avamanya giligali yaga. Vaveeye ho avandu valala vaanala misambwa, kigira kuduuka kalunu lwa valizaa viukulia kuli yivi valora vikikiri vuzwa viukulia visalisirangwa misaambwa. Na kigira zing'anagani zie mioyo jaavo ziveeye zindedekere, kandi valora ndi zimali kwononywa ni viukulia.

Vafeso 4:16

Kuye vivero viosi viu muviri vihambanyiywi harara, kandi muviri gwosi gwahamanywa harara navuli chungu. Kunangwa, lwa vuli kevero kiyinziraa kuli gaduukanaa, muviri gwosi guvirukaa ma gwumbakwa kuvitira mu vuyanzi.

Vakolosai 2:18

Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba;

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.

Likunula 2:20

“Navuzwa mbeeye ni likuva lidamanu liokovoola ku ivi. Wikuzira ku Jezebeli, uwilangaa umwene mutumwa wa Nyasaye. Mu amigizu geege agotizaa avatumikiri vange kokora ovoheyi, kandi kulia iviukulia vihaaniywi ku vifananyi.