1 Vakorintho 7:35 - KITABU KITAKATIFU

³⁵ Muvooleraa yaga kigira nyenya kumukoonya. Singerizaa kumwigalira mba. Nyenya kumukoonya vuzwa muduuki kokora agaveeye malungi kandi malahi mu liehaana ligali ku vutumiki vwu Mwami nu mwoyo gwosi.

1 Vakorintho 7:35 ပူးပေါင်းရင်းမြစ်များ

Matayo 19:12

Kigira viveeye ho ivivuni lugano lugano viokolomba umundu avuli koleta umukali. Avalala vaveeye iviziri kigira viivulwa ndio. Avandi vaveeye iviziri kigira vakolwa kuva ndio na vandu; avandi vekola iviziri aveene kigira Uvwami vwu mwigulu. Leki oveeye ni zinguru kuvugilira amigizu yaga agavugiliri.”

Matayo 22:15

Avafarisayo vazia kovolerana kuli vanyara kogeriza Yeso na mateeva.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Luka 8:14

Uvuguza vwagwa mumafwa ni yavo vahulira, navuzwa lwa vagenda mu zinzira ziavo, vakunikwa ni lihenda mwoyo lie kivala yiki, uvutugi kandi liiva lie vindu vie kivala; makuyu gaavo sigengaa mba.

1 Vakorintho 7:2

Navuzwa kigira ligerizwa ku likora voheyi limeedeki ligali, gaduukiraa musaza sa mulala ave nu mukali weve mwene, kandi mukali sa mulala adukanaa ave nu musaza weve mwene.

1 Vakorintho 7:28

Niiva ulaleeta mukali si ulava nokoli vwoni mba. Na niiva umukana mugima azia lukali, sialava naakori vwoni mba. Navuzwa yavo avaleetanaa vanyoola vudinyu vunyingi mu liiva lia kalunu, ninzi nyenya kumuhonyia mu gene yaga.

1 Vakorintho 7:36

Niiva umundu aganagana siakoleraa vulahi mukaana mugima weve wa yateeva ku livula kumuleeta vwangu, na niiva mukana amenyaa mihiga minyingi ma naye alolaa ndi kuduuka aleetwe, gamudukira akole kuli yenya, valeetane vuzwa, siava naakori vwoni mba.

Vafeso 5:3

Kigira munyi muveeye vandu va Nyasaye, sivaveeye vulahi amakuva goosi go voheyi, anoho komenya mu miima midamanu jovoheyi, anoho likayirwa, nu uvuviti vitalwe hagati hinyu kali hakuzu mba.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

Tito 2:3

Wigizi kandi avakeere vave nuluyali lulahi mu miima jaavo; vatava avahuzirizi, anoho avayaanzaa amalwa. Gavadukiraa vigizi agaveeye amalahi.