1 Vakorintho 7:30 - KITABU KITAKATIFU

³⁰ Yavo avasioma vave kuli vatasiomaa. Yavo avasangalaa, vave kuli yavo vatasangalaa. Yavo avagulaa vave kuli yavo vataveeye ni kindu chavaguli.

1 Vakorintho 7:30 ပူးပေါင်းရင်းမြစ်များ

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Kohelethu 3:4

Ing'inga yu kulira kandi ing'inga yo koseka, ing'inga yu kusioma kandi ing'inga yu kuyaanza,

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 30:19

O, munyi avandu va Ziyoni, avamenyi mu Jerusalemi, si mulasioma kandi mba. Yahova aveeye wizimbavasi, kandi lwamumwanira amukonye, alamutivulira.

Ezekieli 7:12

Ing'inga yiza, lidiku liveeye ahimbi. Avakiranyi vatasangala anoho vatasioma mba, kigira vutima vwa Nyasaye vululu vulava ku vandu vosi.

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Luka 6:21

“Muveeye nu vugasu avaveeye ninzara kalunu; kigira mulakutizwa!” Muveeye nuvugasu avaliranga kalunu; kigira mulakaseke!

Luka 6:25

“O, vayaye, kilaamo keveeye ku munyi avamuveeye ninziguta kalunu; kigira lwinyima mulava ninzara! O, vayaye, kilaamo keveeye ku munyi avasekaa; kigira inyima mulasioma nu kulira!

Yohana 16:22

Munyi kandi muveeye novovereri kalunu; navuzwa ndakavalole kandi, na munyi mulizula vusangali mu mioyo jinyu, nu vusangali vwinyu vwene yivwo sihaveeyeho numundu ulivutuliza ku munyi mba.

1 Vakorintho 7:29

Avaamitu, aganyenyaa kovora ni yaga: keheri keveeye ahimbi. Kutura kalunu yavo avaleetaa vakali vamenye kuli vakikiri koleta.

1 Vakorintho 7:31

Yavo avadidikanaa kutumikira vindu vie lirova yili, vave kuli avatatumikiraa vindu vie lirova ligali. Liiva lie lirova yili, kuli kumanyi, livitaa.

Likunula 18:7

Kigira uvusaliri uvunyingi no ovovereri, kuli uvukumi ni lieyaanziza lia liehaanira iliene. Liamenya ni lievolera iliene: ‘Ku nzikaye hano, inzi mwamihi wi kikali! Simbeeye mukunzakali mba sindakamanyi ho ovovereri vutangiraa!’

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”