1 Vakorintho 7:25 - KITABU KITAKATIFU

²⁵ Kolondekana na mateeva ginyu ku vandu vakikiri koleetana, kandi vakunzakali, simbeeye ni lilago kutura ku Mwami Yeso Kristo mba. Navuzwa mbana lilola lie zing'anagani ziange kuli mulala oheveywi zimbavasi ziu Mwami, kandi udukana asuuvirwi.

1 Vakorintho 7:25 ပူးပေါင်းရင်းမြစ်များ

Zaburi 78:63

Kigira avasoleri viitirwa mu vulwani, na vakaana sivali na vasaza vavaleeta mba.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

1 Vakorintho 4:2

Kindu kilala chenyekaa ku mutumikiri kuli uyu keveeye ndi, kuduuka ave umusuuvirifu ku munene weve.

1 Vakorintho 7:10

Ku yavo vandu vamala koleetana, simbanaa lilago litaveeye liange mwene mba, navuzwa liu Mwami Yeso: Mukali atalekana nu musaza weve mba.

1 Vakorintho 7:12

Ku vandu vandi vosi mboraa, Ku vwange vuzwa, sigaveeye gu Mwami mba: niiva musaza Mukristayo aveeye nu mukali utasuviraa, nu mukali oyo avugiliri kuzizagilira komenya naye, atamuleka mba.

1 Vakorintho 7:28

Niiva ulaleeta mukali si ulava nokoli vwoni mba. Na niiva umukana mugima azia lukali, sialava naakori vwoni mba. Navuzwa yavo avaleetanaa vanyoola vudinyu vunyingi mu liiva lia kalunu, ninzi nyenya kumuhonyia mu gene yaga.

1 Vakorintho 7:34

Liyaanzilira lilie ligavulwa haali kaviri. Mukali ukikiri koselerwa anoho mukana mugima ahenderaa mwoyo miyinzi ju Mwami, kigira aveeye mutakatifu mu liiva liu mu muviri harara ni liu mu Roho. Navuzwa umukali waazia lukali anyang'aniraa vindu vie kivala yiki aduuki kuyaanziza musaza weve.

1 Vakorintho 7:40

mu likalaga liange inzi ndolaa ndi: alava nu vugasu ligali niiva alamenya kuli aveeye ndio. Yizi niziganagani ziange, na ng'anagana inzi kandi nzimilirwa na Roho wa Nyasaye.

1 Vakorintho 7:6

Simunigaa mukore yaga mba, navuzwa mwigizaa mukore ndio niganyalika.

2 Vakorintho 11:17

Icha mboraa kalunu simbolaa nu vunyali kutura ku Mwami mba, navuzwa mu makuva gi liekonya yili, molomaa kuli mundu musiru.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.