1 Vakorintho 7:22 - KITABU KITAKATIFU

²² Uyu walangwa nu Mwami naveeye mutugwa, aveeye muvoholore mu Mwami. Munzira ndala nzere, umundu walangwa naveeye muvoholore, aveeye umutugwa wa Kristo.

1 Vakorintho 7:22 ပူးပေါင်းရင်းမြစ်များ

Zaburi 116:16

O, Yahova, inzi mbeeye mutumikiri woovo; ngutumikiraa vuzwa kuli mama wange yaandumikira. Ivi umali kombonyia kutura mu likuza.

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

1 Vakorintho 7:21

Ivi waali mutugwa lwa Nyasaye yakulanga? Vulahi. Utahenda mwoyo mba. Navuzwa niiva wakanyoola vwiyangu kuva muvoholore, tumikira vulahi uvwiyangu yivwo.

1 Vakorintho 9:19

Kali nimbeeye umuvoholore kutura ku vandu vosi, inzi ndayekola umutugwa kunangwa nduuki konyolera Kristo avandu vanyingi kuli ganyalika.

1 Vakorintho 9:21

Munzira ndala nzere, lwa nyinziraa harara na vandu vizihiiri, menyaa kuli vandu vizihiiri, vugira kolonda Lilaga lia Vayuda. Ngolaa ndio kunangwa nduuki konyoora vandu vizihiiri vaze ku Kristo. Yaga sigamanyia ndi inzi menyaa ichova wi Lilaga lia Nyasaye mba; inzi nondaa ligali Lilaga lia Kristo.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vagalatia 5:1

Koveeye no vovoholore mu Kristo na Kristo niyie wakovoholora. Kunangwa, singiri vudinyu kuli avandu vavoholore kandi mutavugilira kuva avatugwa kandi mba.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

Filemona 1:16

Sigaveeye kuli umutugwa, navuzwa aviti mutugwa ligali, aveeye amiitu umuyanze mu Kristo. Aveeye umuyanze ligali ku inzi ligali! Kandi ku ivi alava umuyanze ligali kuli mutugwa kandi kuli amiitu mu Mwami.

1 Petro 2:16

Mumenye kuli avandu vaveeye avavoholore navuzwa muvuli kutumikira ovovoholore vwinyu kuvisa vudamanu. Navuzwa mumenye kuli avatugwa va Nyasaye.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.