1 Vakorintho 7:2 - KITABU KITAKATIFU

² Navuzwa kigira ligerizwa ku likora voheyi limeedeki ligali, gaduukiraa musaza sa mulala ave nu mukali weve mwene, kandi mukali sa mulala adukanaa ave nu musaza weve mwene.

1 Vakorintho 7:2 ပူးပေါင်းရင်းမြစ်များ

Tsing'ano 18:22

Oyo onyoora mukali, umali konyoora kindi kilahi kandi anyoora liyaanzilira kutura ku Yahova.

Tsing'ano 19:14

Umundu anyala kuvugura inyumba na mabese kutura ku vivuli veve, navuzwa Yahova alamuha mukali mugeri.

Malaki 2:14

Muteeva, “Kigira ki navula kuvivugilira?” Kigira yamanya vulahi ndi wavunaga malago ku, mukali wa waleeta nukikiri musoleri. Yaali mukali woovo kandi wavunaga lilagana liilio kuye, kali niiva walagana imbiri wa Nyasaye ndi ulava musuuvirifu kuye.

Matayo 5:32

Navuzwa kalunu inzi muvooleraa, mundu woosi ukunga mukali weve, ni kivuni choosi nigatali kivuni chu kuvula kuva, musuuvirifu aveeye ni lihiolo liu kumukola muheyi niiva alazia lukali kandi; kandi mundu woosi oleeta mukali wakungwa akolaa ovoheyi naye.

1 Vakorintho 6:18

Mwerehe ligali ku voheyi. Uvwoni vundi vwosi vwu mundu akolaa voveeye ichova wu muviri gwigwe; navuzwa mundu okolaa vwoni vwo voheyi, yoona ku muviri gwigwe umwene.

1 Vakorintho 7:1

Kolondekana na makuva gamwang'odera, ni vulahi musaza avuli koleta mukali.

1 Vakorintho 7:3

Kuduuka musaza akolere umukali weve mu liiva harara kuli gamudukira, kandi mukali akolere musaza weve ndio.

1 Vakorintho 7:9

Navuzwa, niiva sivanyala kwilinda aveene ku likayirwa kuduuka valeetane. Kigira ni vulahi ligali koleta mukali kuvita kwegomba.

Vafeso 5:28

Na ndio kandi avasaza kuduuka vayanze avakali vaavo kuli vayaanza miviri jaavo aveene. Musaza uyanza mukali weve, yiyanzaa mwene.

Vafeso 5:33

Gaveeye ndio ku ivi; kandi musaza sa mulala ayaanze mukali weve kuli mwene yiyaanza, kandi mukali kuduuka ahaane luyali ku musaza weve.

1 Vatesalonike 4:4

Mundu sa mulala ku munyi gamudukira amanye kuli amenyaa nu mukali weve mwene munzira yu vutakatifu, kandi yuluyali,

Vakalagi 21:22

Niiva vababa anoho avavozo vaavo valaleta amahangari munyala kuvavoolera, ‘Mwaza leki komenye navo vave avakali viitu, kigira sikwavavugula mu vulwani kutura kumunyi mba. Na kigira simwavahaana kukunyi, simulavalizwa kuva na mahiolo mu livunaga lilago lienyu mba.’ ”