1 Vakorintho 7:19 - KITABU KITAKATIFU

¹⁹ Kigira likevwa anoho livula kokevwa siviveeye kindu mba; ekeveeye kenene ni kugumira no kolonda amalago ga Nyasaye.

1 Vakorintho 7:19 ပူးပေါင်းရင်းမြစ်များ

Matayo 5:19

Kunangwa, ku vosi ulivunaga lilago likekeeke ku goosi, nu kwigiza avandi vakole ndio, umwene oyo alakalangwe mukekeeke ligali mu Vwami vwu mwigulu. Navuzwa ku vosi uligakola nu kwigiza avandi, mwene oyo alakalangwe munene mu Vwami vwu mwigulu.

Yohana 15:14

Munyi muveeye avalina vange nimukora vindu via mulagaa.

Varumi 3:30

Nyasaye aveeye mulala, kandi alakola Avayuda kuva avalungi imbiri weve kolondekana ku lisuuvira liavo, na vandu vizihiiri kolondekana ku lisuuvira liavo kandi.

1 Vakorintho 8:8

Navuzwa iviukulia sivinyala kukuhira ahimbi ku Nyasaye mba. Ni koleka kulia sikulagotiza kindu choosi mba, kinga nikuva ni kulia sikulavoola kindu choosi mba.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vagalatia 6:15

Likevwa anoho kuvula kokevwa siliveeye kindu, navuzwa kindu keveeye kenene nikuva ekelombe kihia.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

Joshua 5:5

Avandu vosi avaatura Egebeti vaali nivamara kokevwa, navuzwa avayaayi vosi vivulirwa mu changalangwe, mu ing'inga yologendo kutura Egebeti, vaali nivakikiri kokevwa.

Likunula 22:14

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.