1 Vakorintho 7:15 - KITABU KITAKATIFU

¹⁵ Navuzwa niiva mulala kuvo utaveeye musuuviri aleenya kolekana nu wache oveeye Mukristayo, leka akole ndio. Mu makuva kuli yaga, Mukristayo naava musaza anoho mukali, alava muvoholore kotovola. Nyasaye yamulanga mumenye mu mirembe.

1 Vakorintho 7:15 ပူးပေါင်းရင်းမြစ်များ

Matayo 12:50

Ku vosi okolaa uvulariri vwa Baba wange oveeye mwigulu, uyu niyie amwavo wange kandi mbozo wange, kandi mama wange.”

Luka 9:39

Lidemoni limugumiraa, ma ahene yaho akubaa zikwiri kandi limutuula hasi kuli windulumi matanga litula lufulu mumunwa; Lidemoni yili silimulekaa kali hadi mba; limudivizaa ligali.

Varumi 12:18

Niganyalika kolovega lwinyu, muve ni mirembe na vandu vosi.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

1 Vakorintho 14:33

kigira Nyasaye siyenya kove no vogoyaanu mba, navuzwa kove mu lihulirizana kandi mu mirembe. Kuli goveeye umwima mulahi mu makanisa goosi ga vatakatifu,

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Kwidzulitsa 24:2

Maku niiva aleetwa nu musaza wundi,

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Yakobo 2:15

Niiva vaveeye ho avamwavo anoho avavozwa avaveeye chahonyo kandi sivaveeye ni iviukulia via kase,