1 Vakorintho 6:8 - KITABU KITAKATIFU

⁸ Navuzwa munyi aveene naveene mukoleranaa uvudamanu kandi munuulanaa, kali avamwavo vinyu mu Kristo!

1 Vakorintho 6:8 ပူးပေါင်းရင်းမြစ်များ

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 20:13

Navuzwa umwene kizabibu yativulira mulala kuvo, ‘Mulina, singokoleye ku uvudamanu vwosi mba! Ivi siulagani ninzi mutungu gwi lidiku liosi?

Marko 10:19

Wamanya amalago: ‘Utiita mba; utaheya mba; utiva mba; utagina mba; utagaanga mba; utaveeha mba, uhuliri baba woovo na mama woovo!’ ”

Vakolosai 3:25

Uyu okolaa uvudamanu alanyoola uvuchamu vwivwe vwa yakola, kigira sihaveeyeho niliverera kutura ku Nyasaye mba.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.