1 Vakorintho 6:7 - KITABU KITAKATIFU

⁷ Agiligali gaveeye ndi: kuva ni miyaalo hagati hinyu kumanyia ndi mwamala kugwa ligali; sivwakaveeye vulahi ligali ku munyi kwikuzira ku likolerwa uvudamanu mba? Si vwakaveeye vulahi ligali kuvita munyi kunuurwa mba?

1 Vakorintho 6:7 ပူးပေါင်းရင်းမြစ်များ

Tsing'ano 2:5

Niiva ulakola ndio, ulamanya kivuni chu kutia Yahova kandi ulanyora ovogeri vwa Nyasaye.

Tsing'ano 20:22

Utitungila vudamanu mba. Suuvira Yahova na alakokoonya.

Hosea 10:2

Avandu yavo, mioyo jaavo jiveeye ju vugadi; kalunu valasalirizwa kigira uvwoni vwavo. Nyasaye alavunanyia uvwali vwavo kandi aladiviza zitiru ziavo.

Luka 19:8

Navuzwa Zakayo yasingira navolera Mwami, “Hulira, Mwami! Ndahaana inusu yi vindu viange ku avadaka, kandi niiva ndaavugura kindu choosi chu mundu kali mulala nuvugadi, ndamwiranyira haali kane.”

Luka 6:29

Mundu woosi ukwaala luhi ku lusaya lwu mukono mulungi, umugirung'anyiri lusaya lundi kandi. Mundu naakunyaga likoti liilio mulekere kali lishati liilio kandi.

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.