1 Vakorintho 6:2 - KITABU KITAKATIFU

² Si mumanyi ndi avatakatifu valakakalagiri lirova? Niiva vumulirova valakakalagirwi ni munyi, kigira ki simuduukana kukalaga kali mu makuva makekeeke?

1 Vakorintho 6:2 ပူးပေါင်းရင်းမြစ်များ

Zaburi 49:14

Vakalagirwa vakuzi kuli magondi, na likuza lilavahila kuli mwayi ahilaa amagondi geege; valiika vwangu mu kilindwa mulala sa mulala. Miviri jaavo jilagundira mu vilindwa, kihadisi kilava ovomenyo vwavo mihiga ni mihiga kutura yengo wavo.

Danyeli 7:18

Avandu va Nyasaye Wuvunyali valanyora zinguru ziu vukumi, kandi valava nazio mihiga ni mihiga.”

Danyeli 7:22

Maku mundu waali namenyi mihiga ni mihiga yaza nahaana likalaga ku lwiga yilu mu liyanzilira lia vandu va Nyasaye wu mwigulu. Ing'inga yaali niduki ku vandu va Nyasaye kunyoola zinguru ziu vukumi.

Zekaria 14:5

Mulakiluki ni muvitiraa mulivoona yili liagavula kiguru mu vidonye viviri. Mulakiluki kuli vaguuga vinyu vaakora lwi kivala chadegera ing'inga yu mwami Uzia yamiha kivala chi Ivuyuda. Maku Yahova Nyasaye wange alakaze harara ni zingelosi veve vosi.

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Luka 22:30

Munyi mulalia nukunwa komesa yange mu Vwami vwange. Mulikala ku zindeve ziu Vwami ukwamiiha zihiiri likomi na ziviri zia Isiraeli.

Varumi 6:16

Si mumanyi ndi lwa mwitulizaa aveene kuli vatugwa kuhulira mundu wundi, munyi muveeye ligali avatugwa vu munene wa muhulira oyo-munyala kuva avatugwa vu vwoni, navwo voleetaa likuza, anoho munyala kuva avatugwa vi lihulira ilimwimiliraa muduuki kokolwa avalungi imbiri wa Nyasaye.

1 Vakorintho 1:20

Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 6:4

Niiva muveeye na makuva go vosoolo ku vindu vie livamwoyo lia kazozo kuli yivi, kigira ki mugahilaa gakalagwi na vandu vataveeye nu luyali mu likanisa?

2 Vakorintho 4:18

Kunangwa kunyi sikogoteraa ku vindu vilolekaa mba, navuzwa ku vindu vitalolekaa. Ivindu vilolekaa vimenya ku ing'inga ngekeeke vuzwa, navuzwa vitalolekaa vihindiraa mihiga ni mihiga.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.