1 Vakorintho 6:13 - KITABU KITAKATIFU

¹³ Mundu wundi anyala kovora, “Chukulia keveeye kulwi inda, na inda eveeye kulwi chukulia.” Vulahi; navuzwa Nyasaye alakadiviza viombi viviri. Muviri sigunyala kutumikirwa ku kifavwi chovoheyi mba, navuzwa kutumikira Mwami; Mwami alindaa miviri jietu.

1 Vakorintho 6:13 ပူးပေါင်းရင်းမြစ်များ

Matayo 15:17

Si mumanyi ndi ikindu choosi ichingiraa mu munwa kizizaa munda ma inyima kitulaa ichova?

Matayo 15:20

Yivi nivio ivikolaa mundu kuva mudamanu. Navuzwa kulia chukulia na mamisu ku makono, sikokolaa mundu kuva mudamanu mba.”

Marko 7:19

kigira si kimwingira mu mwoyo mba, navuzwa kizizaa munda, na inyima kitulaa ichova?” Mu livoora yaga, Yeso yavoola iviukulia viosi vive iviukuliivwa.

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Yohana 6:49

Avaguuga vinyu valia imaana mwigendanyama, navuzwa vaakuza.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 6:12

Ku lwa yago, mutaleki vwoni vwamihi mu miviri jinyu jikuzaa, kumulomba muduuki kuvugilira likayirwa liajo.

Varumi 7:4

Ni ndio kandi gaveeye ku munyi avaamitu vange. Munyi mwakuza ku Lilaga kuvitira mu muviri gwa Kristo. Kalunu muveeye ava uyu wasimugukizwa kutura mu vakuzu kunangwa kuduuki kuva avovokoonyi mu vutumiki vwa Nyasaye.

1 Vakorintho 3:16

Munyi si mumanyi ndi muveeye Litembeli lia Nyasaye kandi Roho wa Nyasaye amenyaa mu munyi?

1 Vakorintho 6:15

Simumanyi miviri jinyu jiveeye vivero viu muviri gwa Kristo? Nyara ndi kuvugura kevero kilala chu muviri gwa Kristo, ngekole kuva kevero chu muviri gwu muheyi? Awa, gatava ndio kali hakuzu mba!

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

2 Vakorintho 5:15

Yakuzira avandu vosi, kunangwa yavo avaveeye mwoyo vavuli komenya mu liiva liavo vene mba, navuzwa kigira oyo wavakuzira, kandi naasimugukizwa kigira yavo.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vafeso 5:23

Musaza aveeye mutwi gwu mukali kuli Kristo aveeye mutwi gwi likanisa kandi aveeye muhonyi wilikanisa, iliveeye kuli muviri gwigwe.