1 Vakorintho 6:10 - KITABU KITAKATIFU

¹⁰ anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

1 Vakorintho 6:10 ပူးပေါင်းရင်းမြစ်များ

Tsing'ano 7:27

Niiva ulazia munyumba yeeye, umanye oveeye kunzira yukuzia mukivala chavakuzu. Yiyi eveeye inzira inyimbi yilikuza.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Jeremia 7:11

Muganaganaa ndi Litembeli liange liveeye kuli luhangaywa lwa avanuli vivisamu? Inzi mali kolola aga munyi mukoraa.

Ezekieli 22:13

“Ndadiviza avandu vamali kwenyolera viambeti kandi avandu vamali kwita avaveeye mu munyi.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Ezekieli 22:29

Avandu vi kivala yiki vamali kudambiza nu kunuura. Vamali kudambiza avadaka na vageni, kandi si vavakolera likalaga liveeye lirungi mba.

Matayo 21:19

Yalora mukuyu kunyasi kwi inzira, maku yazia kugwo, navuzwa si yanyoora kindu kugwo mba, nigatali amatu geng'ine. Yagovoolera, “Utama kandi amakuyu mihiga josi mba!” Ahene yaho, mukuyu gwaniala.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Yohana 12:6

Si yavoola yaga kigira yahendera nokovelera avadaka, navuzwa kigira yaali umbiki wa mabese, na kuli yaali mwivi, vuli ing'inga yivaa kutura mu livikiru yilio.

Vikolwa 20:32

“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve.

1 Vakorintho 15:50

Kunangwa muvooleraa yaga avaamitu vange, inyama na masahi sivinyala konyoora vwami vwa Nyasaye mba; kandi vwoneku sivunyala konyoora vutaveeye uvwoneku mba.

1 Vakorintho 5:11

Navuzwa kalunu mung'oderaa ndi: mutahambana nu mundu woosi wilangaa mwene aveeye amiitu mu Kristo, navuzwa aveeye muheyi, anoho muhuvaali anoho usigamiraa vifananyi, anoho mugaadi, anoho mu nyegani anoho muhambiki anoho munuuri. Mundu wu lugano yilwo, mutalia naye, kali hakuzu mba.

Vagalatia 5:21

likendeka, vwiti, uvuhambiku, uvuhuvaali vwi zing'ano ziosi, ni vindu kuli yivio; ndanga kumwiganihiza lero kuli lwa ndaamwiganihiza maziambiri. Yava avakolaa vindu kuli yivi sivanyala konyoora vwami vwa Nyasaye mba.

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

Vafeso 5:5

Kigira yaga muve nilimanya ligali ndi, umuheyi woosi anoho utaveeye munifu mu miima, muhuvaali, wi vifananyi mukayirwi, siaveeye nilisanga mu vwami vwa Kristo kandi vwa Nyasaye mba.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

1 Petro 4:15

Niiva mulala ku munyi alasalirizwa, atasalirizwa kigira aveeye umwiti, umwivi, muvudamanu, anoho mwingilirwa amakuva ga vandu vandi mba.