1 Vakorintho 5:5 - KITABU KITAKATIFU

⁵ gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

1 Vakorintho 5:5 ပူးပေါင်းရင်းမြစ်များ

Ayubu 2:6

Maku Yahova yativulira Setani, “Goosi gaveeye amalahi, kalunu Ayubu aveeye hasi huvunyali vuvwo, navuzwa utamwiita mba, oleke livamwoyo lilie.”

Zaburi 109:6

Otovole mukalagi mudamanu ayaalizi musigu wange, na oleke mulala ku vasigu veve mwene amuyaale.

Tsing'ano 23:14

Niiva ulamukuya nulusala, ulahonyia livamwoyo lilie kutura mulikuza.

Kyavalevi 13:21

Navuzwa niiva musaalisi alalihenzeliza ligali ma anyoore ndi maswa gaveeye mu sigagilung'ani kuva malavu mba, kandi sihayavuguka kuvita ligodo lihakumbirizi, navuzwa haveeye nigwagu mu ligodo, musaalisi alambiika halovega ku madiku saba.

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Luka 22:31

“Simoni, Simoni! Hulira, Setani ateevi munwa ku Nyasaye agerizi munyi vosi kwavukanyia vandu valala kutura ku vandu vadamanu, mulimi asesaa ingano.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

1 Vakorintho 1:8

Oyo alamudinyiriza muve ni zinguru mu lisuuvira kuduuka ku keheri, muduuki konyooleka vugira imbara ku Lidiku lie likalagirwa liu Mwami wiitu Yeso Kristo.

1 Vakorintho 11:32

Navuzwa kukalagirwa kandi koheevwa amageri kutura ku Mwami kunangwa kulavuli kukalagirwa harara na vandu vumulirova.

1 Vakorintho 5:13

Nyasaye mwene alakalagira avandu yavo avaveeye ichova wi likanisa. Kuli Mang'oda Matakatifu gavoora, “Mukungi umundu mudamanu wu vwoni kuli yivu atuli hagati hi livugana lienyu.”

2 Vakorintho 10:6

Kwetegeki kuhaana amageri ku woosi uvula kuhulira, lwi liitia lienyu liiva niliakatwekizwa.

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

2 Vakorintho 13:10

Kigira yaga, ng'odaa ibarwa yiyi nimbeeye ihale kutura ku munyi kunangwa lwa ndakaaze, ndavuli kuva mululu ku munyi lwa nditumikira uvunyali vwu Mwami yamba. Yee, vunyali vwu kwumbaka munyi; sivoveeye vwu kusambula mba.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

2 Petro 3:12

nimulindiliraa Lidiku lia Nyasaye kandi mukore vulahi kulilomba liduuki vwangu. Ku Lidiku yilio, ligulu lilakasambwe nu kudivizwa, ni vindu vialio viosi vilasaluluki no lomemo lonene.

1 Yohana 5:16

Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.