1 Vakorintho 5:13 - KITABU KITAKATIFU

¹³ Nyasaye mwene alakalagira avandu yavo avaveeye ichova wi likanisa. Kuli Mang'oda Matakatifu gavoora, “Mukungi umundu mudamanu wu vwoni kuli yivu atuli hagati hi livugana lienyu.”

1 Vakorintho 5:13 ပူးပေါင်းရင်းမြစ်များ

Zaburi 50:6

Ligulu liosi limanya ndi, Nyasaye aveeye mulungi, kandi niye umwene ukalagiraa avandu veve.

Kohelethu 9:18

Ovogeri voveeye vulahi kuvita viugi viu vulwani, navuzwa mwoni mulala yononyia vindu vilahi vinyingi.

Matayo 18:17

Niiva asuraa kuvahulira, volera likanisa. Niiva asuraa kuhulira kali likanisa, ave ku ivi kuli avandu vatamanyi Nyasaye, kandi avasololi vuvusuuru.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

1 Vakorintho 5:2

Munyala ndi kwigingira! Simunyala kovelera kugo? Oyo wakola inguuva yeyo akuungwi kutura mu likanisa.

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

1 Vakorintho 5:7

Kuduuka mutulizi amamera makuulu gu vwoni, kunangwa muduuki kuva lihumbi lihia litaveeye na mamera kuli munyi muvezaa. Kristo mwene, mwana wi ligondi wi Lipasaka lietu, umali kuhaanwa kuli kisiuviriru kigira kunyi.

Kwidzulitsa 13:5

Muporofeti oyo anoho mulooti oyo kuduuka yiitwi, kigira yilwaza liebaala ku Yahova Nyasaye winyu, uwamuleta kutura mu kivala cha Egebeti wamwaali vatugwa. Vandu kuli yava vadamanu, kandi vageriza kumutuliza kunzira ya Yahova Nyasaye winyu yamulaga mulonde ku. Kuduuka viitwi kunangwa mutulize uvudamanu voveeye hagati hinyu.

Kwidzulitsa 17:12

mundu uhing'ana nukuvula kuhulira musaalisi anoho mukalagi oveeye ku miyinzi ing'inga yene yeyo, kuduuka yiitwi. Na ndio mulatuliza uvudamanu yivu mu Isiraeli.

Kwidzulitsa 17:7

Avaloli valava vukutanga kulasa kuye magina, maku avandu vandi valonde ku. Munzira yiyi mulatuliza uvudamanu yivu hagati winyu.

Kwidzulitsa 21:21

Kunangwa avasaza vi lidaala vosi valamulasa na magina kuduuka akuzi. Kuduuka mutulizi uvudamanu yivu hagati hinyu. Vuli mundu mu Isiraeli alahulira agaamali kwekoleka, na alava nu vuti ligali.

Kwidzulitsa 22:24

hene yaho vombi valahirwa ichova wi lidaala na valaswe amagina, vakuzi. Mukaana alakuza kigira siyaakuba zikwiri akonywe kali niyaali mu lidaala mba. Kandi musaza alakuza kigira yonogonyi mukali wu musaza wundi. Munzira yiyi, mulatuliza uvudamanu yivu hagati hinyu.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

Vakalagi 20:13

Kalunu mukohe avandu valumindi va Gibea yavo, kuduuki kuviita kunangwa kutulizi ikivi mu Isiraeli.” Navuzwa avandu va Benjamini vachaya agavavoolerwa na vandu va Isiraeli vandi.