1 Vakorintho 5:11 - KITABU KITAKATIFU

¹¹ Navuzwa kalunu mung'oderaa ndi: mutahambana nu mundu woosi wilangaa mwene aveeye amiitu mu Kristo, navuzwa aveeye muheyi, anoho muhuvaali anoho usigamiraa vifananyi, anoho mugaadi, anoho mu nyegani anoho muhambiki anoho munuuri. Mundu wu lugano yilwo, mutalia naye, kali hakuzu mba.

1 Vakorintho 5:11 ပူးပေါင်းရင်းမြစ်များ

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 101:5

Ndatuliza ho uyu uginaa mutende weve vudamanu muvwivisu; Sindikuzira ku mundu oveeye nuluyayi kandi mwigingiri mba.

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Matayo 18:17

Niiva asuraa kuvahulira, volera likanisa. Niiva asuraa kuhulira kali likanisa, ave ku ivi kuli avandu vatamanyi Nyasaye, kandi avasololi vuvusuuru.

Matayo 23:25

“O, vayaye kilaamo kenene keveeye ku munyi avigizi vi Lilaga na Avafarisayo! Avagaadi munyi! Mwogizaa ichova we kekombe ni sahani, navuzwa mugati mwavio mwizuyi ivindu via munyooye kuzinguru ne mbodoka.

Luka 18:11

“Mufarisayo oyo yasingira, niyisaalira mwene, ‘Nyasaye, ngusandizaa kigira simbeeye kuli avandu vandi mba: avanuuri, avagaanga, avaheyi, anoho kali kuli musololi wu vusuuru uyu mba.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Vikolwa 9:17

Kunangwa Anania yazia niyingira munyumba mwa Saolo yaali. Yavika amakono geege ku Saolo namuvolera, “Amiitu Saolo, Mwami Yeso mwene uwaloleka ku ivi lwa waali kunzira kuuza hano, niyie undumi ku ivi uduuki kolola kandi, kandi uduuki kwizura Roho Mutakatifu.”

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

Varumi 16:17

Avaamitu vange, mugoonyaa ligali mwilindi ku yavo vosi avaleetaa vwavukani nukwikigitaliza avandu vandi mu lisuuvira, kandi vahing'ana namigizu ga mwanyoola. Mwerehe ku vandu yavo!

1 Vakorintho 10:14

Kunangwa avalina vayanze vange, mwerehe ku lisigamira vifananyi.

1 Vakorintho 11:21

Kivuni keveeye ndi, lwa mulizaa, vuli mundu azizagiliraa kulia chukulia chiche mwene, kali ganyoolekaa ndi valala ku munyi vaveeye ninzara lwa vandi avahambika!

1 Vakorintho 5:13

Nyasaye mwene alakalagira avandu yavo avaveeye ichova wi likanisa. Kuli Mang'oda Matakatifu gavoora, “Mukungi umundu mudamanu wu vwoni kuli yivu atuli hagati hi livugana lienyu.”

1 Vakorintho 6:10

anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

1 Vakorintho 6:6

Mu vogono yivwo, Mukristayo mulala ayaara Mukristayo wache mu kiyaalo nokoleka avatasuuvira vakalage makuva gi kiyaalo.

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

1 Vakorintho 7:12

Ku vandu vandi vosi mboraa, Ku vwange vuzwa, sigaveeye gu Mwami mba: niiva musaza Mukristayo aveeye nu mukali utasuviraa, nu mukali oyo avugiliri kuzizagilira komenya naye, atamuleka mba.

1 Vakorintho 7:15

Navuzwa niiva mulala kuvo utaveeye musuuviri aleenya kolekana nu wache oveeye Mukristayo, leka akole ndio. Mu makuva kuli yaga, Mukristayo naava musaza anoho mukali, alava muvoholore kotovola. Nyasaye yamulanga mumenye mu mirembe.

1 Vakorintho 8:11

Kunangwa kigira limanya liilio, umundu mudedekere uyu, aminyu wa Kristo yakuzira aladiva mu Roho.

Vagalatia 2:12

Lwa avandu valala ava Yakobo yaali natumi vaali ni vakikiri kuduuka, Petero yaali nalizaa viukulia harara na vandu vi vizihiiri avasuuvira. Navuzwa lwa avandu yava vaduuka, yagirung'ana naleka lilia harara na vandu vizihiiri, kigira yatia yavo avenyaa Avizihiiri vakevwe.

Vafeso 5:18

Mutahambika iwaini mba kigira imanya imudivizi; navuzwa mwizuli Roho du.

Vafeso 5:5

Kigira yaga muve nilimanya ligali ndi, umuheyi woosi anoho utaveeye munifu mu miima, muhuvaali, wi vifananyi mukayirwi, siaveeye nilisanga mu vwami vwa Kristo kandi vwa Nyasaye mba.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

2 Vatesalonike 3:14

Hawundi mulala alasura kuhulira likuva lia kutumaa ku munyi mu ibarwa yiyi. Nigava ndio, mu manyirizi mundu oyo, mutava ni lihambana naye mba, kunangwa aduuki kuva esoni.

2 Vatesalonike 3:6

Avaamitu viitu, kumulaga mu lieta liu Mwami wiitu Yeso Kristo, mwiyahuli ku avamwavo vosi avamenyi mu liiva liu vugata kandi avatalondaa amigizu ga kwavaha.

2 Yohana 1:10

Mundu niyazaa ku munyi nanavula koleta amigizu yaga, mutamwingirizi mu zinyumba zienyu, kandi mutamucheliza mba.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.

Likunula 2:20

“Navuzwa mbeeye ni likuva lidamanu liokovoola ku ivi. Wikuzira ku Jezebeli, uwilangaa umwene mutumwa wa Nyasaye. Mu amigizu geege agotizaa avatumikiri vange kokora ovoheyi, kandi kulia iviukulia vihaaniywi ku vifananyi.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.