1 Vakorintho 5:1 - KITABU KITAKATIFU

¹ Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

1 Vakorintho 5:1 ပူးပေါင်းရင်းမြစ်များ

Litanga 35:22

Lwa Yakobo yaali na menyi mukivala yiki, Rubeni yaali harara na Biliha, mulala ku vakali vatumikiri vababa weve. Lwa Yakobo yahulira makuva yaga, yavihilirwa ligali. Yakobo yaali na vayaayi 12:

Litanga 37:2

Yaga na makuva ginyumba ya Yakobo: Josefu, muyaayi musoleri wi mihiga 17 yalinda chayo chi mitugu harara na vamwavo veve, avayaayi va Biliha na Ziliba navakari vababa weve avaviika. Yavolera baba weve makuva madamanu aga vamwavo veve vaakora.

Litanga 49:4

Ivi oveeye kuli migelera ja mazi gafuriana; Navuzwa si ulava munene mba, kigira waali harara nu mukali wange umbika. Kandi wononyia kidali cha baba woovo.

2 Samweli 16:22

Kunangwa vumbakira Abisolomu lihema kwigulu kwinyumba yu vwami, kandi imbiri wa avandu vosi, Abisolomu yingira mu kandi naagona na vakali vaviika vababa weve.

2 Samweli 20:3

Lwa Daudi yaduuka hanyumba yu vwami mu Jerusalemi, yavugula vakali vaviika vaali likomi va yaali niyaaleka kulinda munyumba yu vwami, kandi yavavika hasi huvulindi vuduukiru. Yavaha vindu viosi via venya, navuzwa siyagona ku navo mba. Vaviikwa hasi huvulindi vuduukiru ku madiku gi livamwoyo liavo liosi nivamenyi kuli avakunzakali.

1 Kyetsinyinga 5:1

Yivi nivio visukululwi via Rubeni, muyaayi munene wa Yakobo. Rubeni yagotiza vonene vwivwe vwi livulwa, kuli muyaayi wu kutanga na vonene yivwo vwaheevwa Josefu. Kigira yaheya na mulala ku vakali vaviikwa vababa weve.

Jeremia 2:33

Munyi mumanyiriza ligali vulahi kuli munyala konyoora avayaanze! Kali vakali vadamanu vanyara kwiga zinzira zienyu ziu vuchamu.

Ezekieli 16:47

Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Ezekieli 22:10

Valala kuvo vagona navakari va vababa vaavo. Valala vatumikira zinguru kogona navakari ing'inga lwa vaziyi mu mweli.

Kyavalevi 18:8

Utaha baba woovo zisoni ku liheya na mulala ku vakali veve mba.

Kyavalevi 20:11

Niiva umundu ava harara nu mulala ku vakali vababa weve, oyo umali kuhaana zisoni ku baba weve. Yava vombi kuduuka viitwi. Sivaladula umundu ku likuza liavo mba.

Amosi 2:7

Vaduvagira, hasi vandu avadedekere na vanyilizaa nukulumba avadaka vatuli kunzira. Mundu na baba weve vagona numukaana mutugwa mulala mwere. Nandio vonogonyiaa lieta liange litakatifu.

Vikolwa 15:20

Navuzwa kuvang'odere ibarwa kuvavoolera ndi vatalia viukulia vikoleywi vidamanu ku lihaanwa ku misambwa ja vanyasaye mba; valeke ovoheyi; vatalia inyama yoosi imigiywi, kandi vatanwa amasahi.

Vikolwa 15:29

Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”

1 Vakorintho 1:11

Avaamitu vange, mali konyoora makuva ginyu kutura ku vandu valala ku avinyumba ya Kiloe, ndi lirembana liveeye hagati hinyu.

1 Vakorintho 5:11

Navuzwa kalunu mung'oderaa ndi: mutahambana nu mundu woosi wilangaa mwene aveeye amiitu mu Kristo, navuzwa aveeye muheyi, anoho muhuvaali anoho usigamiraa vifananyi, anoho mugaadi, anoho mu nyegani anoho muhambiki anoho munuuri. Mundu wu lugano yilwo, mutalia naye, kali hakuzu mba.

1 Vakorintho 6:13

Mundu wundi anyala kovora, “Chukulia keveeye kulwi inda, na inda eveeye kulwi chukulia.” Vulahi; navuzwa Nyasaye alakadiviza viombi viviri. Muviri sigunyala kutumikirwa ku kifavwi chovoheyi mba, navuzwa kutumikira Mwami; Mwami alindaa miviri jietu.

1 Vakorintho 6:18

Mwerehe ligali ku voheyi. Uvwoni vundi vwosi vwu mundu akolaa voveeye ichova wu muviri gwigwe; navuzwa mundu okolaa vwoni vwo voheyi, yoona ku muviri gwigwe umwene.

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

2 Vakorintho 2:5

Kalunu niiva aveeye mundu umali kovereriza wundi, siavererizi inzi mba, navuzwa avererizi munyi mwosi, na sinyanzaa kuva mululu ligali kuvita kegero mba.

2 Vakorintho 7:12

Kunangwa, lwa ndaamung'odera ibarwa yeyo, siyaali kigira oyo woona, anoho kigira oyo wonerwa mba. Mu vwiyangu yivwo ndamug'odera kunangwa gaduuki koloeka havulavu, imbiri wa Nyasaye ndi munyi muveeye nu vwihaani kigira kunyi.

Vagalatia 5:19

Kunangwa miyinzi jumuviri jiveeye havulavu, najo ni yiji, uvulaya, kifavwi, voheyi vwi zing'ano ziosi,

Vafeso 5:3

Kigira munyi muveeye vandu va Nyasaye, sivaveeye vulahi amakuva goosi go voheyi, anoho komenya mu miima midamanu jovoheyi, anoho likayirwa, nu uvuviti vitalwe hagati hinyu kali hakuzu mba.

Kwidzulitsa 22:30

“Mundu woosi ataha baba weve zisoni ku ligona nu mulala ku vakali veve mba.

Kwidzulitsa 27:20

“ ‘Alaamwe oyo ogonaa numukali wa baba weve, kigira umali kuviika baba weve mu zisoni!’ “Avandu vosi valavoora, ‘Amini!’

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

1 Samweli 2:24

Mulekere ligali avana vange! Yiki ni kindu chukuvihiliriza ligali cha vandu va Yahova vamoloma.