1 Vakorintho 4:6 - KITABU KITAKATIFU

⁶ Avaamitu vange, inzi mali kokora yaga goosi ku inzi mwene, kandi ku Apolo kulwu vukala vwinyu, kunangwa muduuki kwiga kutura kukunyi kivuni chi livoora yili, “Mulonde amalago gadukanaa.” Kulwayago mulala ku munyi atava ni liegingira na achaye wundi mba.

1 Vakorintho 4:6 ပူးပေါင်းရင်းမြစ်များ

Zaburi 146:3

Mutaviika lisuuvira lienyu mu avanene vilirova, avandu vuzwa sivanyala kumuhonyia mba.

Zaburi 8:4

mundu aveeye ki, wa ivi umuganaganiraa anoho mwana wu mundu aveeye ki wa ivi ohenderaa mwoyo?

Isaya 2:22

Mutaviika lisuuvira lienyu mu avandu mba, kigira vaveeye kuli umwika. Vaveeye na vokonyi ki?

Vikolwa 18:24

Muyuda mulala, uwalangwa Apolo, wivulwa kutura Alekisandaria, yaza Efeso. Yaali mundu wamanya komoloma vulahi, kandi yaali uwamanya Mang'oda Matakatifu vulahi.

Vikolwa 19:1

Ing'inga ya Apolo yaali mu Korinzo, Paolo yaali navitiraa mu kivala yicho ma naduuka Efeso. Yanyoora yo vandu avasuuviraa valala

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

1 Vakorintho 1:12

Leka mbore ndi: sa mulala ku munyi avoora kindu lugano ku wundi. Mulala avoora, “Inzi nondaa Paolo”; wundi avoora, “Inzi nondaa Apolo”; wundi avoora, “Inzi nondaa Petero”; kandi wundi avoora, “Inzi nondaa Kristo.”

1 Vakorintho 1:19

Amang'oda Matakatifu gavoora, “Ndadiviza ovogeri vwa vageri, kandi ndaviika halovega limanyiriza lia yavo vi lisoma linyingi.”

1 Vakorintho 1:31

Kunangwa Mang'oda Matakatifu gavoora, “Uyu wenyaa kwekonya, gamudukira yekonyere miyinzi ja Nyasaye amali kokora mu Kristo.”

1 Vakorintho 13:4

Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba.

1 Vakorintho 3:19

Ichi lirova yili liganaganaa kuva vogeri, keveeye uvusiru imbiri wa Nyasaye. Amang'oda Matakatifu gavoora, “Nyasaye agumiliraa avageri mu vogeri vwavo.”

1 Vakorintho 3:21

Kunangwa, mundu woosi atiyizominya ku cha vandu vanyara kokora mba. Vindu viosi viveeye vienyu.

1 Vakorintho 5:2

Munyala ndi kwigingira! Simunyala kovelera kugo? Oyo wakola inguuva yeyo akuungwi kutura mu likanisa.

1 Vakorintho 5:6

Sivoveeye vulahi munyi kwigingira mba. Simwamanya livoora, “Amamera makekeeke galombaa lihumbi liu vusie vwosi kuvimba?”

1 Vakorintho 8:1

Kalunu, nyenya kong'oda kolondekana ni viukulia visalisirangwa vifananyi, gaveeye agiligali ndi, “Kunyi kwosi koveeye nilimanya,” kuli vavoola. Navuzwa limanya kuli yilio lilombaa mundu kuva ni liegingira, nitali uvuyanzi vokolaa kunyi kuviruka mu Roho.

1 Vakorintho 9:23

Ngolaa yaga goosi kigira nyenya Ivangeri ilaande kunangwa nduuki kusanga mu vugasu vwayo.

2 Vakorintho 10:12

Agiligali, kunyi sikunyala kuluvilira kwivika aveene anoho kweleng'anyia ku yavo vekola aveene kuva vaveeye avi igulu mba. Vaveeye vasiru ligali! Velombera vigero viavo veene kwegerera aveene naveene, kandi viikalagira veene ku liegera liavo veene!

2 Vakorintho 10:15

Kunangwa, sikwekonyaa kigira miyinzi ja vandu vandi vamala kokora kuvita kegero cha Nyasaye yakuha mba. Navuzwa lisuuvirizwa lietu liveeye ndi, kuli lisuuvira lienyu linenehaa, lwako lwu vuyinziri vwitu hagati hinyu luduuki konenehizwa ligali kolondekana ne kegero cha Nyasaye yaviikaho.

2 Vakorintho 10:7

Munyi muheezaa vuzwa ku ligondo lie ichova wi vindu. Mundu ku vosi niyiganagana umwene kuva aveeye muduukiru umutumikiri wa Kristo, gamudukira yiganagane umwene kigira kuli oyo aveeye wa Kristo, kunyi kandi koveeye ndio.

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

2 Vakorintho 12:19

Hawundi muganaganaa ndi kuduuka kalunu kwagerizaa kwikinga imbiri winyu! Awa! Kovora vindu yivi imbiri wa Nyasaye nikoveeye mu Kristo. Vindu yivi viosi, avalina vayanze vange, vikolwaa kunangwa munyi muduuki kwumbakwa.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

2 Vakorintho 12:6

Niiva ndakeenya kwekonya, sinyala kuva musiru kali hakuzu mba, kigira ndakava nimbora agiligali. Navuzwa sinyala kwekonya kigira sinyenyaa mundu aganagane inzi kuva munene ligali kuvita vindu vialola mu inzi nukuhulira kutura ku inzi mba.

2 Vakorintho 4:15

Yaga goosi gaveeye kigira munyi; kandi kuli zimbavasi zia Nyasaye zilandaa ku vandu vanyingi kandi avandu yavo valameeda lisaala linyingi lie lisandiza kigira vukumi vwa Nyasaye.

Vakolosai 2:18

Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba;

1 Vatesalonike 1:5

Ivangeri yitu siyaduuka ku munyi mu makuva ameere mba, navuzwa mu zinguru, kandi mu Roho Mutakatifu; kandi mu lisuuvira liveeye liagiligali. Munyi mumanyi vulahi liiva lie limenya lietu lwa kwaali ni munyi. Gaali kigira valahi vwinyu.