1 Vakorintho 4:4 - KITABU KITAKATIFU

⁴ Zigangani ziange ziveeye zindahi, navuzwa yaga sigangolaa kuva vugira imbara mba. Mwami niyie uwaalagiraa.

1 Vakorintho 4:4 ပူးပေါင်းရင်းမြစ်များ

Ayubu 15:14

“Mundu woosi anyala kuva mulahi ligali? Anoho mundu anyala kuva mulungi imbiri wa Nyasaye?

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Ayubu 27:6

Ndazizagilira kovora ndi mbeeye mulungi! Mwoyo gwange sigulang'ondokera lwa inzi mbeeye mwoyo.

Ayubu 40:4

Henza, Inzi simbeeye kindu ligali mba; nyala kukutivulira ki? Sindageriza kovora kindu kindi choosi mba.

Ayubu 9:20

Kali niiva mbeeye mulungi, vugira lihiolo, navuzwa makuva gange gene galangalagira; kali niiva mbeeye vugira imbara, Nyasaye yakandolekizi ndi mbeeye muchamu ligali.

Zaburi 130:3

O, Yahova, niiva wakang'odi nukwizuliza livaliza liu vwoni vwitu, nivwaha wakahoni kutura mu likalagirwa?

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Zaburi 19:12

Si haali numulala unyala kolola mahiolo geege umwene; O, Yahova Ombonyie, kutura mu mahiolo giivisi!

Zaburi 26:12

Inzi mali kohona kutura mu vuhimwa vwosi; na kigira yaga, nzizominyaa Yahova mu livugana linene lia vandu veve.

Zaburi 50:6

Ligulu liosi limanya ndi, Nyasaye aveeye mulungi, kandi niye umwene ukalagiraa avandu veve.

Tsing'ano 21:2

Unyala kuganagana ndi kindu choosi chokolaa keveeye kilungi, navuzwa wizulizi ndi Yahova yamanya gaveeye mu mioyo jietu kandi nu mukalagi wilienya liilio.

Tsing'ano 29:26

Avandu vanyingi venyeleriza liyaanzilira liu mwamihi, navuzwa Yahova ahaanaa likalaga liu mulungi.

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Vikolwa 23:1

Paolo yumika avandu vi kiyaalo, ma navoora, “Avaamitu vange, inzi menyanga imbiri wa Nyasaye mu zing'anagani kandi numwoyo mulahi kuduuka lero.”

Varumi 2:13

Mundu siakolwa kuva mulungi imbiri wa Nyasaye ku lihulira Lilaga, navuzwa ku likora agi Lilaga lienyaa.

Varumi 4:2

Aburahamu naava niyakolwa kuva mululungi kigira uvugulu vwi miyinzi jije, aveeye ni kindu chu kwiyizominya ku. Navuzwa sianyala kwiyizominya imbiri wa Nyasaye mba!

1 Vakorintho 4:3

Inzi simbendaa mwoyo ligali kali niiva mulangalagila, anoho vandu vi kivala kungaragira mu kiyaalo mba. Gaveeye giligali inzi mwene sinyala kwikalagira mba.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.