1 Vakorintho 4:3 - KITABU KITAKATIFU

³ Inzi simbendaa mwoyo ligali kali niiva mulangalagila, anoho vandu vi kivala kungaragira mu kiyaalo mba. Gaveeye giligali inzi mwene sinyala kwikalagira mba.

1 Vakorintho 4:3 ပူးပေါင်းရင်းမြစ်များ

Yohana 7:24

Muleke kukalagira avandu kolondekana ni liloleka lie ichova, navuzwa mukalage likalaga lia muloraa ndi liveeye lia agiligali.”

1 Vakorintho 2:15

Mundu oveeye na Roho aveeye ni likalaga lirungi ku vindu viosi, navuzwa oyo mwene sianyala kukalagirwa nu mundu wundi utaveeye na Roho mba.

1 Vakorintho 3:13

Uvulahi nuvuduukiru vwi miyinzi ja vuli mundu, vulaloleka lwi Lidiku lia Kristo liliduuka Lidiku yilio muliru gulakavuuli miyinzi ja vuli mundu; kandi muliru gulakagerizi vulahi vwi miyinzi ja vuli mulala yakola.

1 Vakorintho 4:2

Kindu kilala chenyekaa ku mutumikiri kuli uyu keveeye ndi, kuduuka ave umusuuvirifu ku munene weve.

1 Vakorintho 4:4

Zigangani ziange ziveeye zindahi, navuzwa yaga sigangolaa kuva vugira imbara mba. Mwami niyie uwaalagiraa.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”