1 Vakorintho 4:16 - KITABU KITAKATIFU

¹⁶ Kunangwa, mugoonyaa ligali mwigi kutura ku inzi.

1 Vakorintho 4:16 ပူးပေါင်းရင်းမြစ်များ

1 Vakorintho 11:1

Muve aviigi ku inzi, kuli inzi mbeeye umwigi kutura ku Kristo.

Vafilipi 3:17

Avaamitu vange, muzizagiliri mu kokora kuli inzi ngolaa. Muhenze ligali ku yavo avalondaa liiva lirungi lia kwamuha.

Vafilipi 4:9

Mukore vindu viosi via mwiga no konyoora kutura ku inzi kandi via mwahulira nimbora no kolola ningoraa. Na Nyasaye uhaanaa kunyi mirembe alava harara ni munyi.

1 Vatesalonike 1:6

Mwiga ku kunyi kandi kutura ku Mwami, kali niiva mwasalirizwa ligali kuvita, mwanyoola likuva nu vusangali kutura ku Roho Mutakatifu.

2 Vatesalonike 3:9

Kwakora yaga sigali kigira sikoveeye nu vunyali konyoora ovokonyi vwinyu, navuzwa kigira kwenya kuva kelolero cha munyala kolonda.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

1 Petro 5:3

Mutagerizi kwamiiha kandi gatava kuli mwekora avanene vamulinda mba, navuzwa muve kelolero chi ichayo.