1 Vakorintho 4:12 - KITABU KITAKATIFU

¹² Kuluhaa ligali ku likora miyinzi midinyu na makono giitu aveene. Lwa vandi vakulaamaa, kunyi kuvagasiza; lwa kudambizwa, kwikuziraa.

1 Vakorintho 4:12 ပူးပေါင်းရင်းမြစ်များ

Matayo 5:11

“Munyi muveeye nuvugasu lwa avandu valimunyega, nu kumukubiza ikivi nu kumuvolera zing'ano ziosi zio vovehi vudamanu kigira muveeye avalondi vange.

Matayo 5:44

Navuzwa inzi muvooleraa, muyanze avasigu vinyu, kandi musaliri avamudambizaa,

Luka 23:34

Kandi Yeso yavoola, “Baba, uvasamihi, kigira sivamanyi icha vakora mba.” Vagavulana zinguvu zizie ku likuba ikura.

Luka 6:28

Mugasizi yavo avamulamaa kandi; Mugasizi yavo avamunyegaa.

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Vikolwa 18:3

Kigira vaali avasiza vu kunava amahema kuli Paolo, yamenya navo, nivakora miyinzi harara.

Vikolwa 20:34

Munyi aveene mumanyi ndayinzira na makono gange mwene, nduuki konyoora lienya liange, ni lia yavo avaari harara ninzi.

Vikolwa 7:60

Yasigama, nahanzuka nu mwoyo munene na avoora, “Mwami! Utavaliza vwoni yivu kuvo mba.” Lwa yamala kovora yaga, yakuza.

Varumi 12:14

Mugasize yavo vamudambiza; muvagasizi, kandi mutavalaama mba.

Varumi 12:20

Kuvita yaga, mang'oda gavoora: “Musigu woovo naava ninzara, umuhe chukulia; Naveeye nuvuluhu, umuhe chukunwa. Kigira mu likora ndio ulamukola ave nizisoni mwene.”

Varumi 8:35

Nivwaha ulikwavukanyia kutura ku vuyanzi vwa Kristo? Ni kivi, anoho ni vusaliri, anoho ni lidambizwa, anoho inzara, anoho ichahonyo, anoho vuhiimwa, anoho kivavi?

1 Vakorintho 9:6

Anoho ninzi nzienyine vuzwa harara na Baranaba avagaduukiraa kuyinzira kunangwa konyoole iliekoonya aveene.

2 Vakorintho 11:8

Lwa nda kola miyinzi hagati hinyu, ndaatungwa na makanisa gandi. Ndavanuulaa kunangwa nduuki kumukoonya.

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

2 Vatesalonike 3:8

Kunyi sikwaalia chukulia chu mundu kali mulala vugira kutuunga mba. Navuzwa muvogono yivwo kwanyangana kandi nikuyinzira vudinyu. Kwazizagilira kuyinzira vudiku nu mbasu kunangwa kuvuli kumina mundu kali mulala ku munyi.

1 Petro 2:23

Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi.

1 Petro 3:14

Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

1 Petro 4:19

Yavo avasaaliraa kigira uvulariri vwa Nyasaye, gavadukiraa vihaane ku mulombi wavo musuuvirifu kandi vazizagiliri kokora vulahi.

Yudasi 1:9

Kali Mikaeli, engelosi munene, siyakola ku yaga mba. Mu lihing'ana lilie na Setani, lwa vaahangalizanira ku muviri gwa Musa ndi nivwaha uguvugulaa, siyaaluvilira kukalagira Setani na amakuva ga amanyego mba; navuzwa yavoola, “Mwami mwene avagondokele!”